ވަޠަނުގެ ސުލްޙަމަސަލަސްކަން ދެމެހެއްޓުމުގެ މަސްއޫލިއްޔަތު އެޅިފައިވަނީ އެޤައުމެއްގެ މުވާޠިނުންގެ ކޮނޑުގަ: ޚުޠުބާ
ވަޠަނުގެ ސުލްޙަމަސަލަސްކަން ދެމެހެއްޓުމުގެ މަސްއޫލިއްޔަތު އެޅިފައިވަނީ އެޤައުމެއްގެ މުވާޠިނުންގެ ކޮނޑުގައިކަމަށް މިއަދުގެ ހުކުރު ޚުޠުބާގައި ބުނެފިއެވެ.
’މުޖުތަމަޢުގެ ބާއްޖަވެރިކަމަށްޓަކައި މުރައްބީންގެ ދައުރު‘ މި މަޢުލޫއަށް މިއަދުގެ ޚުޠުބާ ޚާއްޞަކޮށްފައިވާ އިރު، ޚުޠުބާގައި ބުނީ އެ ޤައުމެއްގައި އޮންނަ އަމަންއަމާންކަމާއި އުފާފާގަތިކަމުގެ ހުރިހާ ފޮނިމީރުކަމެއް ޙާޞިލުކުރާނީ އެޤައުމެއްގައި ދިރިއުޅޭ އެޤައުމެއްގެ އަހުލުވެރިން ކަމަށެވެ. އަދި ޤއުމުގެ ދަރިން ރަނގަޅު ހެޔޮލަފާ ބަޔަކަށް ހަދައިގެންނޫނީ އުފާފާގަތިކަމެއް ނުލިބޭނެ ކަމަށެވެ.
މިއަދުގެ ހުކުރު ޚުޠުބާގައި އިތުރަށްބުނީ ތަރުބިއްޔަތާއި ތަޢުލީމާއެކު ދަރިން މުޖުތަމަޢަށް ނެރެ، ހޭލުންތެރިކުރުވުމަކީ އިޖުތިމާޢީ ފަރުދެއްގެ ޝަޚުޝިއްޔަތު ބިނާކުރުމުގައި މައިންބަފައިންނާއި މުރައްބީންގެ މުހިންމު ވާޖިބެއް ކަމަށެވެ. އަދި މިއާއެކު ލޯތްބާއި އޯގާތެރިކަމާއި އެކުވެރިކަމާއެކު ބަދަހިގުޅުމަކުން ބައިވެރިވެއުޅުމުގެ ޝައޤުވެރިކަން އުފެއްދުމަކީވެސް އެހާމުހިންމުކަމެއް ކަމަށެވެ.
މީގެ އިތުރުން ޚުޠުބާގައި ބުނީ އަފްރާދުންގެ ތަރުބިއްޔަތުގެ ހުރިހާ މަސްއޫލިއްޔަތެއްގެ މުގޫ އެބައެއްގެ އަތުގައި އޮންނަ މައިންބަފައިންނަކީ އެބައިމީހުންގެ މަސްއޫލިއްޔަތު އެންމެފުރިހަމަގޮތުގައި އުފުލާބަޔަކަށް ވާންޖެހޭ ކަމަށެވެ.
މިލިޔުން ކިޔާލުމުން
