މިހާތަނަށް ރާއްޖޭގެ ދެ ރިސޯޓެއްގެ ދެމެދުގައި އެޅި އެންމެ ދިގު ބްރިޖު އަންނަ އަހަރު ހުޅުވަނީ

މިހާތަނަށް ރާއްޖޭގެ ދެ ރިސޯޓެއްގެ ދެމެދުގައި އެޅި އެންމެ ދިގު ބްރިޖު އަންނަ އަހަރުގެ ޖެނުއަރީ މަހު ހުޅުވުމަށް ނިންމައިފިއެވެ.

މިއީ ދަ ރެސިޑެންސް ބައި ސެނިޒާރޯގެ ނަމުގައި ދިގުރަށުގައި ހަދާ ރިސޯޓާއި ގއ. ފަޅުމާފުށިގައި އޮންނަ ދަ ރެސިޑެންސް އާދެމެދު އަޅާފައިވާ ބްރިޖެކެވެ.

އިޝްތިހާރު

ރާއްޖޭގެ ފަތުރުވެރރިކަމާއިބެހޭ ޚަބަރުތައް ގެނެސްދޭ ހޮޓެލިއާ މޯލްޑިވްސްއިން ބުނެފައިވަނީ މުޅި ޖުމްލަ 173 ބީޗް ވިލާ އާއި ވޯޓަރ ވިލާ ޤާއިމްކޮށްފައިވާ އިރު، މި ރިސޯޓުގައި ޕްރައިވެޓް ޕޫލްގެ ޚިދުމަތްވެސް ލިބެން ހުންނަ ކަމަށެވެ.

މީގެ އިތުރުން ތިމާވެއްޓާ ރައްޓެހިކޮށް ވީހާވެސް ފެހިކަން ގަދަކޮށް ހަދާފައިވާ މި ރިސޯޓުން އަތްތެރި މަސައްކަތްކުރާ މީހުންގެ ހުނަރުވެރިކަން ފެނިގެންދާނޭ ކަމަށްވެސް ވަނީ ބުނެފައެވެ.

ދިގުރަށުގައި ތަރައްޤީކޮށްފައިވާ މި ރިސޯޓުގެ ވަށައިގެން 250 ބާވަތުގެ މުރަކަ އާލާކޮށްފައިވާ އިރު، 1،200 އަށްވުރެ ގިނަ މަސްމަހާމެހީގެ ބާވަތްތައް އެ ރިސޯޓުގެ ފަޅުތެރެއިންނާއި ރިސޯޓުގެ ކައިރިން ފަތުރުވެރިންނަށް ބަލާލުމުގެ ފުރުޞަތު ލިބޭނޭގޮތް ވަނީ ހަމަޖައްސާފައެވެ.