އިންތިޚާބާގުޅޭ 423 ޝަކުވާ ހުށަހެޅި އިރު، 229 ޝަކުވާއަށް ޖަވާބުދީފި
މި ސެޕްޓެމްބަރ މަހުގެ 23 ގައި ބޭއްވި ރިޔާސީ އިންތިޚާބާއިގުޅޭގޮތުން 423 ޝަކުވާ ހުށަހެޅި އިރު، 229 ޝަކުވާއަށް މިހާތަނަށް ޖަވާބުދީފައިވާ ކަމަށް އިލެކްޝަންސް ކޮމިޝަން (އީސީ) އިން ބުނެފިއެވެ.
އެ ކޮމިޝަނުން މިއަދު ބުނީ އަދިއިތުރަށް ބަލަންޖެހޭ 198 ޝަކުވާއެއް ފާހަގަކުރެވިފައިވާ ކަމަށެވެ. އަދި މައިގަނޑު ގޮތެއްގައި ހުށަހަޅާފައިވަނީ އިންތިޚާބަށް ނުފޫޒު ފޯރުވުމާއި ރިޝްވަތު ދިނުމާއި ރީ ރަޖިސްޓްރޭޝަނާއި ވޯޓަރސް ލިސްޓާއި ވޯޓިންގ ބޫތު ބަދަލުކުރުމުގެ ޝަކުވާތައް ކަމަށެވެ.
މީގެ އިތުރުން، އިތުރު ލިސްޓެއް ގެންގުޅުމާއި ވޯޓު ގުނަން ޔޫވީ ލައިޓް ބޭނުންކުރުމާއިި ކެމްޕޭން ކުރުމާއި ވޯޓުލުމުގެ އިންތިޒާމާ ގުޅޭ ޝަކުވާތައްވެސް ހުރިކަމަށް އީސީ އިން ބުންޏެވެ.
މީގެ ތެރޭގައި ހުރި ބައެއް މައްސަލަތަކުގެ ތަޙުޤީޤު ކުރިއަށް ގެންދިއުމަށް ޤައުމީ ކޮމްޕްލެއިންސް ބިއުރޯއިން ނިންމާފައިވާ ކަމަށާއި އެހެންނަމަވެސް ނަތީޖާ ބަދަލުވެދާނެ ފަދަ ޝަކުވާއެއް ނެތް ކަމަށްވެސް އެ ކޮމިޝަނުން މިއަދު ބުންޏެވެ.
މިލިޔުން ކިޔާލުމުން
