އެންމެ ފުރަތަމަ އިސްކުރަންވީ ދީން: ރައީސް ޔާމީން
މިހާރު އިސްކުރަންވީ އެންމެ ފުރަތަމަ ދީން ކަމަށާއި ޤައުމު އިސްކުރަންވީ އެއާއެކުގައި ކަމަށް ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް ވިދާޅުވެއްޖެއެވެ.
ޕްރޮގްރެސިވް ޕާޓީ އޮފް މޯލްޑިވްސް (ޕީޕީއެމް) އިން އިންތިޒާމްކޮށްގެން ކޮޅުމަޑުލު ގުރައިދޫއަށް ރައީސް މިއަދު ކުރެއްވި ޒިޔާރަތުގައި އެމަނިކުފާނު ވިދާޅުވީ އަޅުގަނޑުމެންގެ ޤައުމު ޤައުމެއްގެ ގޮތުގައާއި އެއްބައިވަންތަ ސުލްޙަވެރި ބައެއްގެ ގޮތުގައި މިއޮތީ އިސްލާމީ ހިދާޔަތުގެ މަތީގައި ތިބުމުން ކަމަށެވެ.
މިމޭރުމުން ވާހަކަފުޅު ދައްކަވަމުން ރައީސުލްޖުމްހޫރިއްޔާ ވިދާޅުވީ ދައުލަތް، ދައުލަތެއްގެ ގޮތުގައި އަދި އަޅުގނޑުމެންގެ މިރާއްޖެއަކީ އެކުވެރި ބައެއްގެ ގޮތުގައި މިތިބެނީ އަޅުގަނޑުމެން އެންމެންނަކީ އިސްލާމްދީން ނޫން ދީނަކަށް ޖާގަދޭން ބޭނުންނުވާ ބައެއް ކަމުގައި ޤަބޫލުކޮށްގެން ތިބޭތީ ކަމަށެވެ.
މި ޖަލްސާގައި ރައީސް ޔާމީން ވިދާޅުވީ މިސަރުކާރުން ހިމާޔަތްކުރާ އުސޫލުތައް ބިނާވެފައިވަނީ ދިވެހިރާއްޖެއަށް ބޭނުންވާ ދިވެހިރައްޔިތުންގެ ކުރިއެރުމާއި ދިވެހިރައްޔިތުންގެ މަސްލަޙަތާއި ދީން ޙިމާޔަތް ކުރުން ފަދަ ކަންކަމުގެ މައްޗަށް ކަމަށެވެ. އަދި ޤައުމު ސަލާމަތާއި އަމާންކަމާއެކު ބާއްވާނެ ފިކުރަކީ މިއީ ކަމަށެވެ.
މިލިޔުން ކިޔާލުމުން
