އަލް ހިޖްރާގެ ޢީދު ސްމައިލް ބާއްވައިފި
އަލް ޙިޖްރަ ޖަމިއްޔާގެ ފަރާތުން މިއަހަރުގެ އީދު ދުވަހުގެ މުނާސަބަތުގައި ކުޑަކުދީންގެ ހަވީރެއް ”ޢީދު ސަމއިލް“ މިއަދު ހަވީރު 4 އިން 6 އަށް ހުޅުމާލޭ ސެންޓްރަލް ޕާކުގައި ބާއްވައިފިއެވެ.
އެސްޓެޓިކޯ އީދު ސްމައިލްސް ނަމުގައި ބޭއްވި މިއިވެންޓަކީ ކުޑަކުދީންނަށް އެކުދީންގެ އާއިލާއާއިއެކު ބައިވެރިވެ އެކިއެކި ކުޅިވަރު ތަކާއި މުބާރާތްތަކާއި އަދި ސްޓޭޖްގެ ބައެއް ހުށައެޅުންތައް ހިމެނޭގޮތަށް ރޭވިގެން ކުރިޔަށްދިޔަ އިވެންޓެކެވެ. އަދި މި ކުޅިވަރުތަކާއި މުބާރާތްތަކުގައި ބައިވެރިވެގެން އެކިއެކި އިނާމްވެސް ލިބިގެންދިޔައެވެ.
އެސްޓެޓިކޯ އީދް ސްމައިލްސްގެ މެއިން ސްޕޮންސަރ އަކީ ސްޓެޓިކް ކޮމްޕެނީ ޕްރައިވެޓް ލިމިޓަޑްއެވެ. ކޯރ ސްޕޮންސަރގެ ގޮތުގައި ހަމަޖެހިފައިވަނީ އެންޒީ އަދި ހައުސިންގ ޑެވެލޮޕްމަންޓް ކޯޕަރޭޝަންސް ލިމިޓަޑް އެވެ. އިވެންޓްގެ ހޮސްޓިންގ ޕާރޓްނަރއަކީވެސް ހައުސިންގ ޑެވެލޮޕްމަންޓް ކޯޕަރޭޝަންސް ލިމިޓަޑް އެވެ. އިވެންޓްގެ ޕާރޓްނާރސްގެ ގޮތުގައި ބައިވެރިވެފައިވަނީ މޯލްޑިވްސް ޕޮލިސް ސާރވިސް ، ޢާޒީ ސްކޫލް ، ވީޖޭ ލާރނިންގް ސެންޓަރ ، އިންސްޓިއުޝަން އޮފް ހޯލީ ޤުރްއާން ، ހުޅުމާލެ ހޮސްޕިޓަލް އަދި މޯލްޑިވް ގޭސް ޕްރައިވެޓް ލިމިޓަޑް އިންނެވެ.
އަލް ހިޖްރަ ޖަމިއްޔާއަކީ ހުޅުމާލޭގައި އެކިއެކި ދީނީ ،އަދި އިޖްތިމާއީ އެކިއެކި ހަރަކާތްތައް ހިންގަމުންއަންނަ ޖަމިއްޔާއެކެވެ. މިގޮތުން ހުޅުމާލޭގައި އެކިއެކި ދަރުސްތައް ބޭއްވުމާއި އިލްމީ އަދި ފަންނީ ވާކްޝޮޕްގެ އިތުރުން އަދި ހުޅުމާލޭގައި ބޭއްވޭ އެކިއެކި ކޮމިއުނިޓީ ހަރަކާތްތަކުގައި ޖަމްޢިއްޔާއިން ބައިވެރިވަމުން ގެންދެއެވެ.
މިލިޔުން ކިޔާލުމުން
