ކަރުދާހު ކުދި މާލިތަކާއެކު މީދޫގައި ޢީދުކުޅިވަރުތައް ފަށައިފި
ރ. އަތޮޅު މީދޫގައި ކަރުދާހު ކުފި މާލިތަކާއެކު ޢީދުކުޅިވަރުތައް ފަށައިފިއެވެ.
ކޮންމެ އަހަރެއްގެވެސް އަޞްހާ ޢީދު މިރަށުގައި ފަށަނީ ކުޑަކުދިންގެ ކުދި މާލިތަކުންނެވެ. މި މާލިތައް މަގުމަތީގައާއި ގޭތެރެއަށް ވަދެ ޢީދު ސަލާމްކޮށް، ތަހުނިޔާ ކިޔައެވެ.
މީދޫގެ ރައްޔިތަކު ބުނީ ޢީދު ކުޚިވަރުތައް ފެށުނުކަން އެނގޭނީ ކުދިމާލިތައް ނުކުމެ މައްޗާއި ގެތަކަށް ވަނުމުން ކަމަށެވެ.
ޒަމާނުއްސުރެ، ޘަޤާފީ ކުޚިވަރުތައް ކުޅުމުގައި ބޮޑުޢީދު ފާހަގަކުރަމުންއަންނަ މީދޫގައި މިއަހަރުވެސް ތަފާތު ކުޅިވަރުތައް ކުޅުމަށް ވަނީ ނިންމާފައެވެ.
އެގޮތުން ހިއްޗަވަޑައިގަތުން މިރޭ އޮންނާނެކަމަށް މިރަށުގައި ޢީދުކުޅިވަރުތައް އިންތިޒާމުލުރުމުގައި އިސްކޮށްހަރަކާތްތެރިވާ ފަރާތަކުން އެޓޯލްނިއުސްއަށް މަޢުލޫމާތު ދެއްވިއެވެ.
އޭނާ ވިދާޅުވީ ޘަޤާފީ ކުޅިވަރުތަކަށް ޒަމާނީ ބަދަލުތަކެއް އައިސްފައިވީނަމަވެސް އޭގެ އަސްލު ނުގެއްލޭނެ ކަމަށެވެ.
މިލިޔުން ކިޔާލުމުން
