މީދޫގައި ޢީދު ކުޅިވަރު ކުޅުމުގެ ހުއްދަ ދީފި
މާޅޮސް މަޑުލު އުތުރުބުރީ މީދޫގައި ޢީދު ކުޅިވަރު ކުޅުމުގެ ހުއްދަ އެރަށު ކައުންސިލުން ދީފިއެވެ.
ކޮންމެ އަހަރެއްގެވެސް އަޟްހާ ޢީދު ނުވަތަ ބޮޑުޢީދުގެ ކުޅިވަރުތައް އެރަށުގައި ކުޅުމަށް ރަށު އޮފީހުން ނުވަތަ ރަށު ކައުންސިލުން ހުއްދަ ހޯދަންޖެހެއެވެ.
އެގޮތުން ޢީދުގައި ކުޅިވަރުތައް ކުޅުމުގެ ހުއްދަ ހޯދުމަށް މިރަށުގެ ދެއަވަށް ކަމަށްވާ އިރުމަތީ އަވަށާއި ހުޅަނގު އަވަށުން ވަނީ ޘަޤާފީ ކުޅިވަރުތަކާއެކު ރަށު ކައުންސިލަށް ގޮސްފައެވެ. އަދި ކައުންސިލު އިދާރާ އިން ވަނީ ރަށުގެ މަސްލަހަތާއި އަމަންއަމާންކަމާއި ސުލްހްމަސަލަކަން ނުގެއްލޭނޭހެން ޢީދު ކުޚިވަރު ކުޅުމުގެ ހުއްދަ ދެ އަވަށަށްދީފައެވެ.
މިރަށު ކައުންސިލުން ބުނީ އަާދަކާދައިގެމަތިން ކޮންމެ އަހަރަކުވެސް ޢީދު ކުޚިވަރު ކުޅުމަށް ހުއްދަ ނަގާ ކަމަށާއި އެއީ ފެށުނީއްސުރެ އެކަން އޮންނަގޮތް ކަމަށެވެ. އަދި ކުރިން ރަށު އޮފީހުން އަދި މިހާރު ރަށު ކައުންސިލުން އެކަމުގެ ހުއްދަ ދެމުން އަންނަ ކަމަށެވެ.
ރ. މީދޫއަކީ ބޮޑުޢީދުގައި ޘަޤާފީ، ޒަމާނީ ގިނަ ކުޅިވަރުތަކެއް ކުޅޭ ރަށެކެވެ.
މިލިޔުން ކިޔާލުމުން
