ރިޔާސީ ކެންޑިޑޭޓުންގެ ނަންތައް ތަރުތީބުކުރުން އަންނަ ހޮނިހިރު ދުވަހު..

މިއަހަރުގެ ރިޔާސީ އިންތިޚާބުގައި ވާދަކުރާ ކެންޑިޑޭޓުންގެ ނަންތައް ތަރުތީބުކުރުން އަންނަ ހޮނިހިރު ދުވަހު އޮންނާނެ ކަމަށް އިލެކްޝަންސް ކޮމިޝަނުން ބުނެފިއެވެ.

އީސީ އިން ބުނީ ކެންޑިޑޭޓުންގެ ނަންތައް ތަރުތީބުކުރުން އޮންނާނީ އެދުވަހުގެ 10:30 ގައި ބާ ޖަމާލުއްދީންގައި ކަމަށެވެ.

އިޝްތިހާރު

ރިޔާސީ އިންތިހާބުގައި ވާދަކުރުމަށް ފޯމު ހުށަހެޅި ފަރާތްތަކުގެ ތެރެއިން ޝަރުތު ހަމަވާކަމަށް ކަނޑައަޅައި އިލެކްޝަނުން ފޯމް ބަލައިގެންފައިވަނީ މިހާރުގެ ރައީސް އަބްދުﷲ ޔާމީން އަބްދުލްގައްޔޫމާއި އެމްޑީޕީގެ ފަރާތުން ވާދަކުރައްވާ ހިންނަވަރު ދާއިރާގެ މަޖިލިސް މެންބަރު އިބްރާހިމް މުހައްމަދު ސާލިހެވެ.

މި އަހަރުގެ އިންތިޚާބުގައި ވޯޓުލުމުގެ ހައްގުގެ 263،000 މީހުންނަށް ލިބޭ އިރު، 491 ވޮޓު ފޮށި ބަހައްޓަން ވަނީ ނިންމާފައެވެ.

އިންތިޚާބު އޮންނާނީ 23 ސެޕްޓެމްބަރު ވާ އާދިއްތަ ދުވަހުއެވެ.