ރީ ރެޖިސްޓްރޭޝަނަަށް ހުށަހަޅާ ހުރިހާ ފޯމެއްގެ ސައްޙަކަން ޔަޤީންކުރާނެކަމަށް އިލެކްޝަންސް ކޮމިޝަން (އީސީ) އިން ބުނެފިއެވެ.
އެ ކޮމިޝަނުން މިއަދު ކުރި ޓްވީޓެއްގައި ބުނީ ރީ ރެޖިސްޓްރޭޝަން ފޯމް ހުށަހެޅުމުގައި އޮޅުވާލުންތައް ހުރިކަމުގެ ޝަކުވާތައް ލިބެމުން އަންނަ ކަމަށެވެ. އަދި އެ ކޮމިޝަނަށް ހުށަހަޅާ ހުރިހާ ފޯމެއްގެ ސައްޙަކަން ކަށަވަރު ކުރާނެކަމުގެ ފުރިހަމަ ޔަޤީންކަން އަރުވާ ކަމަށެވެ.
Re-registration form hushaelhumugai, olhuvaalunthah huri kamuge shakuvaa libemundhaathee, Commission ah husha elhey hurihaa form ehge sahhakan kashavaru kuraane kamuge furihama yageenkan aruvameve
— Elections Commission (@ElectionsMv) July 29, 2018
އީސީ އިން ބުނެފައިވަނީ ސެޕްޓެމްބަރު 23 ވަނަ ދުވަހު އޮންނަ ރިޔާސީ އިންތިޚާބުގައި ވޯޓުލާން ރީ-ރެޖިސްޓްރީވުމަށް މިހާތަނަށް 8000 މީހުން ފޯމު ހުށަހަޅާފައިވާ ކަމަށެވެ. އަދި މިއީ 2013 ވަނަ އަހަރުގެ މި މުއްދަތާ އަޅާ ބަލާއިރު ގިނަ ޢަދަދެއް ކަމަށެވެ.
ރާއްޖޭގެ އާބާދީގެ ބޮޑު އިންސައްތައެއް ރަށްވެހިވެފައިވާ ރަށް ނޫން އެހެން ރަށްތަކުގައި ދިރިއުޅޭ އިރު، 2013 ވަނަ އަހަރުގެ އިންތިޚާބަށް 60000 މީހުން ވަނީ ރީ ރެޖިސްޓްރީވެފައެވެ.
