ގެމަނަފުށީގައި އަލަށް ޢިމާރާތްކުރި މިސްކިތާއި އައިސްޕްލާންޓު ހުޅުވައިދެއްވައިފި
ގއ. ގެމަނަފުށީގައި އަލަށް ޢިމާރާތްކުރި މިސްކިތާއި އައިސްޕްލާންޓު ހުޅުވައިދެއްވައިފިއެވެ.
ހުވަދުއަތޮޅު އުތުރުބުރީގެ ދެ ރަށަކަށް ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް މިހާރުކުރައްވަމުން ގެންދަވާ ރަސްމީ ދަތުރުފުޅުގައި މިއަދު ހަވީރު ގެމަނަފުށީގައި އެމަނިކުފާނު ހުޅުއްވައިދެއްވި މިސްކިތުގެ ނަމަކީ މަސްޖިދުލް އިބްރާހީމްއެވެ. މިއީ ގެމަނަފުށީ ބަޑިޔާގޭ އަލްމަރްޙޫމް އިބްރާހީމް އަޙްމަދުގެ ހަނދާނުގައި ބިނާކުރި މިސްކިތެކެވެ. ޝީޝާ ޕްރައިވެޓް ލިމިޓެޑުގެ ފަރާތުން ގެމަނަފުށީގައި ބިނާކުރި މި މިސްކިތަކީ 700 މީހުންގެ ޖާގައިގެ މިސްކިތެކެވެ.
މި ރަސްމިއްޔާތުގައި ޝީޝާ ޕްރައިވެޓް ލިމިޓެޑުގެ ފަރާތުން އަޙްމަދު ޙަސަން މަނިކު ވަނީ މަސްޖިދުލް އިބްރާހީމްގެ މިހުރާބެއް ރައީސުލްޖުމްހޫރިއްޔާއަށް ވެދުމަށް އަރުވާފައެވެ.
މިސްކިތް ހުޅުއްވައިދެއްވުމުގެ ރަސްމިއްޔާތަށްފަހު ރައީސް ޔާމީނު ވަނީ ގެމަނަފުށީގެ ބަނދަރު ސަރަހައްދަށް ވަޑައިގެން، އައިސް ޕްލާންޓް ހުޅުއްވާދެއްވާފައެވެ.
މިލިޔުން ކިޔާލުމުން
