ފުލުހުންނަށް ފަންނީ ތަމްރީނާއި ޤާބިލުކަން އިތުރުކުރުމާ ގުޅޭ ގޮތުން މަޝްވަރާކުރައްވައިފި
ބަންގްލަދޭޝް މެދުވެރިކޮށް ދިވެހި ފުލުހުންނަށް ފަންނީ ތަމްރީނާއި ޤާބިލުކަން އިތުރުކުރުމުގެ ފުރުޞަޠުތައް ފަހިކުރުމާ ގުޅޭގޮތުން މަޝްވަރާކުރައްވައިފި އެވެ.
މި މަޝްވަރާކުރެއްވީ ބަންގްލަދޭޝް ސަރުކާރުން ދިވެހިރާއްޖެއަށް ކަނޑައަޅުއްވާފައި ހުންނަވާ ހައިކޮމިޝަނަރ، ޑރ. އެމް.ޑީ. ނަޒްމުލް އިސްލާމް، ކޮމިޝަނަރ އޮފް ޕޮލިސް އަޙްމަދު މުޙައްމަދުގެ އަރިހަށް މިއަދު ކުރެއްވި އިޙްތިރާމުގެ ޒިޔާރަތުގަ އެވެ.
މި ބައްދަލުވުމުގައި ވަނީ ދިވެހި ފުލުހުންގެ ޚިދުމަތުގެ މައި އިދާރާގައި ބޭއްވި މި ބައްދަލުކުރެއްވުމުގައި، ދިވެހިރާއްޖެއާއި ބަންގްލަދޭޝްއާ ދެމެދު އޮތް ޒަމާންވީ ގާތް ގުޅުމާއި ދެ ޤައުމުގެ ދެމެދުގައި އޮތް އެއްބާރުލުން ކޮމިޝަނަރ ފާހަގަކުރައްވާފަ އެވެ.
މީގެއިތުރުން، ދެ ޤައުމުގެ ފުލުހުންގެ މުއައްސަސާގެ ދެމެދުގައި އޮތް ގުޅުން އިތުރަށް ހަރުދަނާކުރުމާ ގުޅޭގޮތުންނާއި، ޚާއްޞަކޮށް ބަންގްލަދޭޝް މެދުވެރިކޮށް ދިވެހި ފުލުހުންނަށް ފަންނީ ތަމްރީނާއި ޤާބިލުކަން އިތުރުކުރުމުގެ ފުރުޞަޠުތައް ފަހިކުރުމާ ގުޅޭގޮތުން ދެ ބޭފުޅު ވަނީ މަޝްވަރާކުރައްވާފަ އެވެ.
މިލިޔުން ކިޔާލުމުން
