އެމެރިކާގެ ހަރުކަށި ޝަރުތުތަކުގެ ސަބަބުން މަޝްވަރާތަކަށް ހުރަސްއެޅެނީ

އެމެރިކާގެ ރައީސް ޑޮނަލްޑް ޓްރަމްޕްގެ ސަރުކާރުން އިރާނާއެކު ކުރިއަށްގެންދަން އުޅޭ މަޝްވަރާތަކުގައި ވަރަށް ހަރުކަށި ޝަރުތުތަކެއް ކުރިމަތިކޮށްފައިވާ ކަމަށް މަސްދަރުތަކުން ބުނެފި އެވެ.

މި ޝަރުތުތަކަކީ ރަޝިޔާ-ޔޫކްރެއިން ހަނގުރާމައިގައި ރަޝިޔާއިން ޔޫކްރެއިން އަށް ކުރިމަތިކުރި ފަދަ ”އަމާންދިނުމުގެ“ ޝަރުތުތަކެއްގެ ގޮތުގައި ބައެއް ފަރާތްތަކުން ސިފަކުރެ އެވެ.

އިޝްތިހާރު

އެމެރިކާގެ މައިގަނޑު ޝަރުތުތަކުގެ ތެރޭގައި ހިމެނެނީ:

• އިރާނުގެ ނިއުކްލިއާ މުއްސަނދިކުރުން މުޅިން ހުއްޓާލުން.
• ބެލިސްޓިކް މިސައިލް އުފެއްދުން ހުއްޓާލުން.
• ސަރަހައްދީ ޤައުމުތަކުގައި ތިބި އިރާނަށް ތާޢީދުކުރާ ހަނގުރާމަވެރި ޖަމާޢަތްތަކަށް އެހީވުން ހުއްޓާލުން.
• ދުނިޔޭގެ ތެލުގެ ވިޔަފާރީގެ ބޮޑު ބައެއް ހިނގާ ”ސްޓްރެއިޓް އޮފް ހޯމޫޒް“ ކޮންޓްރޯލް ކުރުމުގައި އެމެރިކާގެ ބައިވެރިވުން އޮތުން

އަސްކަރީ ޙަރަކާތްތަކާއި ނުތަނަވަސްކަން

މި މަޝްވަރާތަކަށް ތައްޔާރުވަމުންދާ ދަނޑިވަޅެއްގައި، އެމެރިކާއިން ދަނީ 2,000 މެރީނުންނާއި މަނަވަރުތައް އެ ސަރަހައްދަށް ފޮނުވަމުންނެވެ.

ބައެއް މުހައްލިލުން ޤަބޫލުކުރާ ގޮތުގައި، ޓްރަމްޕް މަޝްވަރާގެ ވާހަކަ ދައްކަވަނީ އިރާނުގެ ބައެއް ރަށްތަކަށް ޙަމަލާދީ ހިފުމަށް ވަޤު ތު ހޯދުމުގެ ބޭނުމުގަ އެވެ.

އިރާނުގެ ބައެއް މަސްދަރުތަކުން ބުނާ ގޮތުގައި، އެމެރިކާގެ މި ޝަރުތުތަކަކީ ޤަބޫލުކުރެވޭނެ ކަންކަމެއް ނޫނެވެ. އިރާނުން ބޭނުންވަނީ:

1. އިރާނަށް ދެން ޙަމަލާއެއް ނުދޭނެ ކަމުގެ ޔަގީންކަން.
2. ލިބުނު ގެއްލުންތަކުގެ ބަދަލު ހޯދުން.

އިރާނުގެ ސިޔާސީ ހާލަތު

އިރާނުގެ އެންމެ މަތީ ވެރިޔާ މުޖުތަބާ ޚާމަނާއީއަށް އަނިޔާވެ، ވެރިކަން ހިންގުމަށް އުނދަގޫވެފައިވާ ކަމަށް އަޑުފެތުރިފައިވާއިރު، މިހާރު އިރާނުގެ ކަންކަމުގައި އެންމެ އިސްކޮށް އުޅުއްވަނީ މަޖިލީހުގެ ރައީސް މުޙައްމަދު ބާޤިރު ޣާލިބާފް ކަމަށް ބެލެވެ އެވެ. ނަމަވެސް، އެމެރިކާއާއެކު އެއްވެސް މަޝްވަރާއެއް ކުރިއަށް ނުދާ ކަމަށް އޭނާ ވަނީ ވިދާޅުވެފަ އެވެ.

ކަމާބެހޭ މާހިރުން ބުނާ ގޮތުގައި، އިރާނުގެ އިޤްތިޞާދު އިނދަޖެހިފައިވުމާއި އަސްކަރީ ގޮތުން ބަލިކަށިވެފައިވުމަކީ، މަޝްވަރާގެ މޭޒަށް ދިއުމަށް އިރާނަށް މަޖުބޫރުވެދާނެ ސަބަބުތަކެކެވެ.