ރެޑް ކްރެސެންޓް ޓީމާ މިނިސްޓަރ ޠާރިޤް އިބްރާހިމް ބައްދަލުކުރައްވައިފި
ފަތުރުވެރިކަމާ ތިމާވެއްޓާ ބެހޭ ވުޒާރާގެ މިނިސްޓަރު ޠާރިޤް އިބްރާހިމް، ރެޑް ކްރެސެންޓްގެ ޓީމަކާ އިޙުތިރާމުގެ ގޮތުން ބައްދަލުކުރައްވައިފިއެވެ. މި ބައްދަލުކުރެއްވުން ބޭއްވުނީ މިނިސްޓްރީގައެވެ.
މި ބައްދަލުކުރެއްވުމުގައި މިނިސްޓަރު ޠާރިޤް އިބްރާހިމް އަދި ރެޑް ކްރެސެންޓް ޓީމުން ވަނީ، ރެޑް ކްރެސެންޓުން މިހާރުވެސް ހިންގަމުންދާ އިންސާނީ އެހީގެ މަސައްކަތްތަކާއި، ރާއްޖޭގެ ރަށްރަށުގެ މުޖުތަމަޢުތަކަށް އެހީތެރިވުމަށް ހިންގާ ޕްރޮގްރާމްތަކާ ބެހޭގޮތުން ފުޅާ ދާއިރާއެއްގައި މަޝްވަރާކުރައްވާފައެވެ. މީގެ ތެރޭގައި، ކުއްލި ހާލަތްތަކުގައި ދެވޭ އެހީތެރިކަމާއި، މުޖުތަމަޢު ބާރުވެރިކުރުމުގެ ޕްރޮގްރާމްތައް ހިމެނެއެވެ.
މި ބައްދަލުކުރެއްވުން ނިންމަވާލައްވަމުން، ދެ ފަރާތުންވެސް ވަނީ ކުރިއަށް އޮތް ތަނުގައި ގުޅުން ބަދަހިކޮށް، މަސައްކަތްތައް ގާތުން ބަލަހައްޓައި، ހާއްސަކޮށް އިންސާނީ އެހީގެ މަސައްކަތްތަކުގައި އިތުރަށް ކުރެއްވުމަށް އަޒުމު ކަނޑައަޅާފައެވެ. މިގޮތުން، މުސްތަޤްބަލުގައި ރާއްޖޭގައި އިންސާނީ އެހީގެ ދާއިރާ އިތުރަށް ހަރުދަނާވެ، ރައްޔިތުންނަށް ދެވޭ އެހީތެރިކަން ފުޅާވެގެންދާނެ ކަމަށް ލަފާކުރެވެއެވެ.
މިލިޔުން ކިޔާލުމުން
