ބޭންކުގެ ފައިސާހުރި ސޫޓްކޭސްއެއް އެއާޕޯޓްއިން ފޭރިގެންފި
މޫނުނިވާކޮށްގެން ތިބި ބަޔަކު ބޭންކުގެ ފައިސާހުރި ސޫޓްކޭސްއެއް އެއާޕޯޓްއިން ފޭރިގެންފި އެވެ.
މީޑިއާތަކަށް މަޢުލޫމާތު ހިއްސާ ކުރަމުން ދިވެހި ފުލުހުންގެ ޚިދުމަތުން ބުނެފައިވަނީ، ވެލާނާ އިންޓަރނޭޝަނަލް އެއާޕޯޓް ޓާމިނަލް އެކަކަށް ވަންނަން ދިޔަ ބޭންކެއްގެ 2 މުވައްޒަފެއްގެ އަތުން ފައިސާ ހުރި ސޫޓް ކޭހެއް، މޫނު ނިވާކޮށްގެން ތިބި ބަޔަކު ފޭރިގަނެފައިވާކަމަށެވެ. އަދި މި ހާދިސާގެ މަޢުލޫމާތު ފުލުހުންނަށް ރިޕޯޓު ކޮށްފައިވަނީ ރޭ ފަތިހު 4:25 ހާއުރު ކަމަށް ވެސް ފުލުހުން ބުނެފައިވެއެވެ.
އިޝްތިހާރު
ސޫޓްކޭހުގައި ހުރީ ކިހާ ފައިސާއެއް ކަމެއް ފުލުހުން ހާމަކޮށްފައެވެ ނުވެ އެވެ. އަދި މި ހާދިސާއާއިބެހޭ އިތުރު މަޢުލޫމާތެއް ފުލުހުން ހިއްސާ ކޮށްފައެއް ނުވެއެވެ.
މިމައްސަލަ ފުލުހުންގެ ޚިދުމަތުން ދަނީ ތަހުގީގް ކުރަމުންނެވެ.
މިލިޔުން ކިޔާލުމުން
