ލ. ގަމުގައި 5 މިލިއަން ގަސް އިންދުމުގެ މަޝްރޫޢުގެ ޙަރަކާތެއް ހިންގައިފި

ލ. ގަމުގައި، ދިވެހިރާއްޖޭގައި 5 މިލިއަން ގަސް އިންދުމުގެ ގައުމީ މަޝްރޫޢުގެ ދަށުން ގަސް އިންދުމުގެ ޚާއްސަ ޙަރަކާތެއް ވަނީ ހިންގާފައެވެ.

މި ޙަރަކާތް ކުރިއަށް ގެންގޮސްފައިވަނީ 5 މިލިއަން ގަސް އިންދުމުގެ މަޝްރޫޢުގެ ފަރާތުން ލ. ގަން ކައުންސިލާއި ގުޅިގެންނެވެ.

އިޝްތިހާރު

މި ޙަރަކާތުގެ ތެރެއިން، 5 މިލިއަން ގަސް އިންދުމުގެ މަޝްރޫޢުގެ ފަރާތުން 200 ގަސް ލ. ގަން ކައުންސިލަށް ވަނީ ހަދިޔާކުރެވިފައެވެ.

މި ގަސްތައް ގަމުގެ އެކި ހިސާބުތަކުގައި އިންދުމަށް ހަމަޖެހިފައިވާއިރު، މި މަޝްރޫޢުގެ މައިގަނޑު މަޤްޞަދަކީ ރާއްޖޭގެ ތިމާވެށި ރައްކާތެރިކުރުމާއި، ގަސްގަހާގެހި ގިނަކޮށް، ރަށްތައް ރީތިކުރުމެވެ.

ލ. ގަމުގައި މިއަދު ހިންގުނު މި ޙަރަކާތަކީ މި މަޝްރޫޢުގެ ދަށުން ރާއްޖޭގެ އެކި ކަންކޮޅުތަކުގައި ހިންގަމުންދާ ގަސް އިންދުމުގެ ޕްރޮގްރާމްތަކުގެ ތެރެއިން ހިންގުނު ޙަރަކާތެކެވެ.