ގަވާއިދާއި ޚިލާފަށް ވަދެއުޅުނު މަސްބޯޓެއް ހުއްޓުވައިފި

ދިވެހިރާއްޖޭގެ ހާއްސަ އިޤްތިސާދީ ސަރަހައްދަށް ގަވާއިދާއި ޚިލާފަށް ވަދެއުޅުނު ބޭރުގެ މަސްބޯޓެއް ރާއްޖޭގެ ދިފާއީ ބާރުން ހުއްޓުވައިފި އެވެ.

މިކަމާ ގުޅޭގޮތުން މޯލްޑިވްސް ނެޝަނަލް ޑިފެންސް ފޯސް (އެމް.އެން.ޑީ.އެފް) އިން އެކްސްގައި މަޢުލޫމާތު ދެމުން ބުނެފައިވަނީ، ދިވެހިރާއްޖޭގެ ހާއްސަ އިޤްތިސާދީ ސަރަހައްދަށް ގަވާއިދާއި ޚިލާފަށް ވަދެއުޅުނު ބޭރުގެ މަސްބޯޓެއް ކޯސްޓްގާޑުން ހުއްޓުވާ، ކޯސްޓްގާޑުގެ ބެލުމުގެ ދަށަށް ގެނެސްފައިވާ ކަމަށާއި، އެބޯޓުގައި 6 މީހުން ތިބިކަމަށެވެ.
މިބޯޓު ފެނިފައިވަނީ ކ. ދިއްފުއްޓާއިދިމާ އިރުމަތިން، ރާއްޖޭގެ ހާއްސަ އިޤްތިސާދީ ސަރަހައްދުން ކަމަށް ވެސް އެމް.އެން.ޑީ.އެފްއިން ބުނެފައިވެ އެވެ.
އެއީ ކޮން ޤައުމެއްގެ މަސްބޯޓެއް ކަމާއި މިކަމާ ގުޅޭ އިތުރު ތަފްސީލެއް އެފަރާތުން ހާމަކޮށްފައެއް ނުވެ އެވެ.

އިޝްތިހާރު