ތިން ރަށެއްގައި ހޮސްޕިޓަލް އަޅަން އެމްޓީސީސީއަށް
ތިން ރަށެއްގައި އައު ހޮސްޕިޓަލްތައް އަޅަން ހެލްތް މިނިސްޓްރީން އެމްޓީސީސީއާ ހަވާލުކޮށް، އެއްބަސްވުމުގައި މިއަދު ސޮއިކޮށްފިއެވެ.
ހެލްތް މިނިސްޓްރީން “އެކްސް“ ގައި ކުރި ޕޯސްޓެއްގައި ބުނީ، އެ ތިން ރަށަކީ މ. މުލި، ރ އަލިފުށީގެ އިތުރުން ނ. މަނަދޫ ކަމަށެވެ.
އިޝްތިހާރު 
މިނިސްޓްރީގެ ޕޯސްޓުގައި ބުނީ، އެމްޓީސީސީއާ ހަވާލުކޮށްފައިވަނީ ނ މަނަދޫ އަދި މުލީގައި 50 އެނދުގެ ހޮސްޕިޓަލް އެޅުމަށް ކަމަށެވެ. އެ މަސައްކަތް ހަވާލުކޮށްފައިވަނީ 720 ދުވަސްތެރޭ މަސައްކަތް ނިންމާ ގޮތަށެވެ.
ރ އަލިފުށީގައި އަޅަން ހަމަޖެހިފައިވަނީ 30 އެނދުގެ ހޮސްޕިޓަލެކެވެ. އެ މަސައްކަތް އެމްޓީސީސީއާ ހަވާލުކޮށްފައިވަނީ 730 ދުވަހުގެ ތެރޭގައި މަސައްކަތް ނިންމާ ގޮތަށެވެ.
އެ މަޝްރޫއުއާ ގުޅޭ އިތުުރު މައުލޫމާތެއް މިނިސްޓްރީން ނުވަތަ އެމްޓީސީސީން ހިއްސާއެއް ނުކުރެއެވެ.
މިލިޔުން ކިޔާލުމުން
