ޞަލާޙުގެ މުހިންމު ގޯލަކާއި އެކު ލިވަޕޫލް ޕްރިމިޔާ ލީގުގެ އެއްވަނައަށް ޖެހިލައިފި

ރޭ ލިވަޕޫލްގެ ދަނޑުގައި ބްރައިޓަން އާއި ދެކޮޅަށް ކުޅުނު މެޗުން ލިވަޕޫލް މޮޅުވީ ފަހަތުން އަރާ 2 ގޯލް ޖަހާ 2-1 ގެ ނަތީއްޖާއަކުންނެވެ.

މި މެޗުގައި އެންމެ ފުރަތަމަ ގޯލް ޖަހާ ލީޑް ނެގީ ބްރައިޓެން އިންނެވެ.
މި ގޯލް ބްރައިޓެން އަށް މެޗު ގެ 2 ވަނަ މިނެޓު ގައި ކާމިޔާބު ކޮށްދިނީ އެ ޓީމުގެ ފޯވާޑު ޑެނީ ވެލްބެކް އެވެ.
މި މެޗު ގައި ބްރައިޓެން އިން ފުރަތަމަ ގޯލް ޖަހާ ލީޑް ނެގިޔަސް މެޗުގައި މޮޅަށް ކުޅެމުން ދިޔައީ ލިވަޕޫލުންނެވެ. ނަތީއްޖާ އަކަށްވީ ލިވަޕޫލުން 27 ވަނަ މިނެޓު ގައި ގޯލެއް ޖަހާ މެޗުގެ ނަތީއްޖާ ހަމަހަމަ ކުރުމެވެ.
މި ގޯލް ލިވަޕޫލަށް ޖަހާ ދިނީ ލިވަޕޫލްގެ ކޮލަމްބިޔާ ފޯވާޑު ލުއީސް ޑިޔާސް އެވެ.
ފުރަތަމަ ހާފު ނިމިގެން ދިޔައީ 1-1 ގެ ނަތީއްޖާ އަކުން 2 ޓީމް އެއްވަރު ވެގެންނެވެ.
ދެވަނަ ހާފު ފެށިގެންވެސް މޮޅަށް ކުޅެ ގިނަ ހަމަލާތަކެ އުފައްދަމުން ދިޔައީ ލިވަޕޫލުންނެވެ.
މެޗުން މޮޅުވި ގޯލް ލިވަޕޫލަށް ޖަހާދިނީ މެޗުގެ 67 ވަނަ މިނެޓު ގައި މެޗުގެ މޮޅު ކުޅުންތެރިޔާ ގެ މަގާމުވެސް ހޯދި މުޙަމްމަދު ޞަލާޙް އެވެ.
މި މޮޅާއި އެކު ލިވަޕޫލް ވަނީ ތާވަލްގެ 1 ވަނަޔަށް ޖެހިލާފަ އެވެ.
ލިވަޕޫލް ތާވަލްގެ ކުރީގައި އޮތީ ކުޅުނު 29 މެޗުން 67 ޕޮއިންޓު ހޯދައިގެންނެވެ.
މެޗުން ބަލިވި ބްރައިޓެން އޮތީ ކުޅުނު 29 މެޗުން 42 ޕޮއިންޓާއި އެކު ތާވަލް ގެ 9 ވަނައިގަ އެވެ.
ދެން އެންމެ އަވަހަ ލިވަޕޫލް މެޗެއް ކުޅޭނީ އަންނަ ބުރާސްފަތި ދުވަހު ގެ ރޭގަނޑު 11:30 ގައި ށެފިލްޑް ޔުނެއިޓެޑް އާއި ދެކޮޅަށެވެ.

އިޝްތިހާރު