![b l1fS9AFwVGuOT9dUIfFhe5opX jpeg](/wp-content/uploads/2023/12/b_l1fS9AFwVGuOT9dUIfFhe5opX-jpeg.webp)
ވިއްސާރައިގައި މާލޭގެ ބައެއް ގެތަކަށް ލިބުނު ގެއްލުން ރައީސް ބައްލަވާލައްވައިފި
މާލެއަށް ކުރަމުންދާ ބޯ ވިއްސާރައިގައި ބައެއް ގެތަކަށް ލިބުނު ގެއްލުން ރައީސުލްޖުމްހޫރިއްޔާ ޑރ. މުހައްމަދު މުއިއްޒު ބައްލަވާލައްވައިފިއެވެ.
ރައީސްގެ އަރިހުގައި ނައިބު ރައީސް އާއި ބައެއް މިނިސްޓަރުންވެސް ވަޑައިގެންނެވިއެވެ.
ރެއިން ފެށިގެން މެދުނުކެނޑި މާލެއަށް ކުރަމުން ދާ ވިއްސާރައިގައި މަގުތަކުގައި ފެންބޮޑުވެ، ބައެއް ގޭގެއަށް ފެންވަދެ އެކި ވަރުގެ ގެއްލުންތައް ވަނީ ލިބިފައެވެ.
މިއަދުގެ އިރުއޮއްސުނީއްސުރެން ފެށިގެން ރައީސް ވަނީ ބައެއް ގެތަކަށް ޒިޔާރަތް ކުރައްވައި މީހުންގެ ހާލަތު ބައްލަވާލައްވަފައެވެ. އެގޮތުން، ގެއްލުން ލިބުނު ގޭގެއަށް ރައީސް ޒިޔާރަތް ކުރެއްވި ފޮޓޯތައް ސަރުކާރުގެ ބައެއް އިސް ބޭފުޅުން ވަނީ ސޯޝަލް މީޑިއާގައި ޕޯސްޓުކޮށްފައެވެ. އެ ގެތަކަށް ވަޑައިގެން ރައީސް ވަނީ އެހީ ފޯރުކޮށްދެއްވާނެ ކަމުގެ ޔަގީންކަން ދެއްވާފައެވެ.