މިއަހަރުގެ އަޟްހާ ޢީދު ނަމާދު މާލޭގެ 39 މިސްކިތެއްގައި ކުރާނެ: މިނިސްޓްރީ
މިއަހަރުގެ އަޟްހާ ޢީދު ނަމާދު މާލޭގެ 39 މިސްކިތެއްގައި ކުރާނެ ކަމަށް އިސްލާމިކް މިނިސްޓްރީން ބުނެފި އެެވެ.
އެ މިނިސްޓްރީން ބުނީ އީދު ނަމާދު ޖަމާއަތުގައި ކުރުމަށް ހުއްދަ ދީފައިވާ މާލޭގެ ބޮޑެތި މިސްކިތްތަކުގެ ތެރޭގައި އިސްލާމީ މަރުކަޒު، މަސްޖިދުލް ފުރުޤާން، ނޫރު މިސްކިތް، މަސްޖިދުއްސުލްތާން މުހައްމަދު ބިން އަބްދުﷲ މިސްކިތް ހިމެނެ އެވެ.
މާލޭ ސިޓީގައި 1442 ވަނަ އަހަރު އަޟްޙާ ޢީދު ނަމާދު ކުރުމަށް ހަމަޖެހިފައިވާ މިސްކިތްތައް#EidAlAdha #MVIaffairs pic.twitter.com/i0udu2K5dS
— Ministry of Islamic Affairs (@MVIaffairs) July 18, 2021
ކޯވިޑް-19ގެ ހާލަތާއި ގުޅިގެން މާލެ ސަރަހައްދުގައި ފާއިތުވެދިޔަ ދެ އަހަރުވެސް ބޮޑު ޖަމާއަތުގައި އީދު ނަމާދުކޮށްފައިނުވެ އެވެ.
ކޯވިޑް-19ގެ ހާލަތު ރާއްޖޭގައި ގޯސްވުމާއި ގުޅިގެން މީގެކުރިން ނިންމާފައިވަނީ މިއަހަރުގެ އަޟްހާ އީދު ނަމާދު މާލެ ސަރަހައްދުގައި ޖަމާއަތުގައި ނުކުރާ ގޮތަށެވެ.
އެހެންނަމަވެސް މާލެ ސަރަހައްދުގައި ޢީދު ނަމާދު ކުރުމުގެ ހުއްދަ ދީފައިވަނީ މިހާރުގެ ހާލަތު ރަނގަޅުވެ، ބަލިޖެހޭ މީހުންގެ އަދަދު މަދުވުމުން، ކަމާއިބެހޭ ފަރާތްތަކާއި މަޝްވަރާ ކުރުމަށްފަހު އެވެ.
މީގެ ކުރިން މޫސުން ތަންދޭނަމަ ކޮންމެ އަހަރަކުވެސް ފިޠުރު ޢީދާއި އަޟްޙާ ޢީދު ނަމާދު މާލެއާއި ރާއްޖޭގެ ހުރިހާ ރަށެއްގައިވެސް ބޮޑު ޖަމާޢަތުގައި ކުރެއެވެ. އަދި މި ޖަމާޢަތްތަކުގައި ގިނަ ބަޔަކު ބައިވެރިވެ އެވެ.
މިއަހަރުގެ އަޟްހާ ޢީދު ދުވަހަކީ މާދަމާ އެވެ.
މިލިޔުން ކިޔާލުމުން
