ކޮވިޑް-19: މާބޮޑަށް ހާލަތު ގޯސްވުމުން ހުރިހާ ނަމާދެއްގައި ޤުނޫތު ނާޒިލާ ކިޔަން އަންގައިފި
ކޮވިޑް-19ގެ ބަލިމަޑުކަން ރާއްޖޭގައި އިތުރަށް ގޯސްވެ، މިކަމުގެ ބިރުވެރިކަން އިންތިހާއަށް ބޮޑުވުމާއި އެކު މި ބަލިމަޑުކަމުން ސަލާމަތް ކޮށް ދެއްވުން އެދި ފަރުޟު ނަމާދުތަކުގައި ގުނޫތު ނާޒިލާ ކިޔުމަށް އަންގައިފިއެވެ.
ފަރުޟު ނަމާދުތަކުގައި ގުނޫތް ނާޒިލާ ކިޔެވުމަށް ރާއްޖޭގެ ހުރިހާ މިސްކިތެއްގެ އިމާމުންނަށްވެސް މިހާރު އަންގާފައިވާ ކަމަށް އިސްލާމިކް މިނިސްޓަރ ޑރ އަހުމަދު ޒާހިރު ވަނީ ވިދާޅުވެފައެވެ.
ރާއްޖޭގެ އޮންލައިން ނޫހެއް ކަމުގައިވާ އަވަސްއަށް މަުލޫމާތު ދެމުން ޑރ އަޙުމަދު ޒާހިރު ވިދާޅުވީ ކުރިންވެސް ކިޔަމުން ގެންދިޔަ ގޮތައް ގުނޫތް ނާޒިލާ ކިޔަމުން ގެންދިއުމަށް އަންގާފައިވާ ކަމަށާއި އެހޮތުން މިހާރު ހުރިހާ މިސްކިތްތަކެއްގައިވެސް ކިޔަމުން އަންނަކަމަށެވެ.
”މީގެ ކުރިންވެސް ކިޔަމުން އައި ގޮތަށް ގުނޫތު ނާޒިލާ ކިޔުމަށް އަޅުގަނޑުމެންވާނީ އަންގާފައި. ކޮންމެ ނަމާދެއްގެ ފަހު ރަކުއަތުގައި ޤުނޫތު ކިޔަމުންދާނީ،“ އިސްލާމިކް މިނިސްޓަރ ވިދާޅުވިއެވެ.
ދުވަހެއްދުވަހަކަށް ކޮވިޑްގެ ހާލަތު ރާއްޖޭގައި ގޯސްވަމުން ގޮސް މިއަދު އެކަނިވެސް1204 މީހަކު ވަނީ ކޮވިޑް އަށް ފައްސިވެފައެވެ. ހަމަ އެކަނި މާލޭން ވެސް 961 މީހަކު ފައްސިވެފައިވާކަމަށް އެޗްޕީއޭގެ ތަފާސް ހިސާބުތަކުން ދައްކައެވެ.
މިލިޔުން ކިޔާލުމުން
