ސިޓީ ކައުންސިލުގެ ދަށުން ހިންގާ މާރުކޭޓުތައް ހުޅުވާ ގަޑިތައް އިޢުލާން ކޮށްފި
މާލޭ ސިޓީ ކައުންސިލުގެ ދަށުން ހިންގާ މާރުކޭޓުތައް ހުޅުވާ ގަޑިތައް އިޢުލާން ކޮށްފި އެވެ.
އެ ކައުންސިލުން ބުނީ ރޯދަ މަހު މަސް މާރުކޭޓުގެ ޚިދުމަތް ހޮނިހިރުން ބްރާސްފައްޗަށް ދޭނީ ހެނދުނު 6:00 ން ހަވީރު 4:30 އަށް ކަަމަށެވެ. އަދި ހުކުރު ދުވަހު އެ މާރުކޭޓުގެ ޚިދުމަތް ދޭނީ މެންދުރު ފަހު 2:00 ން ހަވީރު 4:30 އަށް ކަމަށެވެ.
ދަތުރުވެރިންގެ މާރުކޭޓާއި ލޯކަލް މާރުކޭޓު ހުކުރު ދުވަހު ހުޅުވާނީ ހެނދުނު 6:00 ން 10:00 އަށެވެ. އަދި މެންދުރު ފަހު 2:00 ން ރޭގަނޑު 11:00 އަށް ކަމަށް ވެސް ސިޓީ ކައުންސިލުން ބުނެ އެވެ. އަދި ހަފްތާގެ އެހެން ދުވަސް ދުވަހު އެ ދެ މާރުކޭޓު ހުޅުވާފައި ހުންނާނީ ހެނދުނު 6:00 ން ރޭގަނޑު 11:00 އަށް ކަމަށް މާލޭ ސިޓީ ކައުންސިލުން ބުނެއެވެ.
މާލޭ ސިޓީ ކައުންސިލުން ބުނީ އެ ކައުންސިލުގެ ބެލުމުގެ ދަށުން މާލޭގައި ހިންގަނީ މަސް މާރުކޭޓު، ދަތުރުވެރިންގެ މާރުކޭޓު އަދި ލޯކަލް މާރުކޭޓެވެ.
މިލިޔުން ކިޔާލުމުން
