އަނީލޫ ޢީދު ފުޓްސަލް ކަޕް 1440: އޮބެސިޓީ މޮޅުވެ، ތާވަޅޭ އާއި ރެލީގެ މެޗު އެއްވަރު
“ އަނީލޫ ކުރިގަމް ޢީދު ފުޓްސަލް ކަޕް 1440 “ ގައި މިއަދު ހަވީރު ކުޅުނު މެޗުތަކުން މެންޗެސްޓާ އޮބެސިޓީ މޮޅުވިއިރު، އެފްސީ ތާވަޅޭ އަދި ރެލީ ބައްދަލުކުރި ފޯރިގަދަ މެޗު އެއްވަރުވެގެން ނިމިއްޖެއެވެ.
ފޮނަދޫ ކުރިގަމު ދަނޑުގައި މިހާރު ކުރިޔައްދާ މި މުބާރާތުގައި މިއަދު ކުޅުނު މެޗުތަކުން މެންޗެސްޓާ އޮބެސިޓީ މޮޅުވީ ތަންޑާ އެފްސީ އާ ވާދަކޮށް 4:3 ގެ ނަތީޖާއަކުންނެވެ. މި މެޗުގައި މޮޅު ކުޅުމެއް ދެއްކި ކާނޫ 3 ލަނޑު ޖަހާ ހެޓްރިކް ހެދިއިރު، އެޓީމުގެ ހަތަރުވަނަ ލަނޑު ކާމިޔާބުކޮށްދިނީ ނާޝިދު (ނާއްޓޯ) އެވެ.
ތަންޑާ އެފްސީ ގެ ޓީމުން ލަނޑުތަށް ޖަހައިދިނީ ޖާޒީ ނަމްބަރ7 މުއާޒް ( ލައްޓި) އަދި ދެވަނަ ލަނޑު ކާމިޔާބު ކޮށްދިނީ އައިމަން ( ވަކަ ބްރޯ) އެވެ. އަދި އެޓީމުގެ 3 ވަނަ ލަނޑު ކާމިޔާބު ކޮށްދިނީ ޖާޒީ ނަމްބަރ 77 ހުސެއިން ރިޒާއެވެ.
މި މެޗުގެ މޮޅު ކުޅުންތެރިޔަކަށް ހޮވުނީ މެޗުގައި 3 ލަނޑު ޖަހާ ހެޓްރިކް ހެދި ނައްސަތް (ކާނޫ) އެވެ.
މިއަދު ހަވީރު ކުޅުނު ދެވަނަ މެޗުގައި ބައްދަލުކުރީ އެފްސީ ތާވަޅޭ އާއި ރެލީ އެވެ. މި ފޯރިގަދަ މެޗު 2-2 ގެ ނަތީޖާއަކުން ވަނީ އެއްވަރުވެފައެވެ.
މި މެޗުގައި ދެޓީމުގެ ފަރާތުންވެސް އަވަސް އަދި ފޯރިގަދަ ކުޅުމެއް ފެނިގެން ގޮސްފައިވާކަން ފާހަގަ ކޮށްލެވެއެވެ.
މި މެޗުގައި ތާވަޅޭ އެފްސީން ޖެހި ލަނޑުތަށް ޖަހައިދީފައިވަނީ ޖާޒީ ނަމްބަރ 8 އަލީ ޟިރާރް ( ލީއްކޮ) އަދި ޖާޒީ ނަމްބަރ10 އައިހަމް ( އަމްބެ) އެވެ.
ރެލީ ޓީމުން މިއަދުގެ މެޗުގައި ލަނޑުތަށް ޖަހައިދީފައިވަނީ ޖާޒީ ނަމްބަރ 10 އަލީ ފަރުޙާނު އާއި ޖާޒީ ނަމްބަރ 15 އާދަމް ވަހީދު ( އައްސޭ) އެވެ.
މި މެޗުގެ މޮޅު ކުޅުންތެރިޔަކަށް ހޮވިފައިވަނީ ވެސް ޖާޒީ ނަމްބަރ 15 އާދަމް ވަހީދު ( އައްސޭ) އެވެ.
މާދަމާވެސް މި މުބާރާތުގެ ފޯރިގަދަ މެޗުތަކެއް ކުޅވޭެނެއެވެ. އެގޮތުން މާދަމާ ހަވީރު ކުޅޭ ފުރަތަމަ މެޗުގައި ބައްދަލުކުރާނީ އޭތި މީތި އަދި ތަންޑާ އެފްސީ އެވެ. ދެވަނަ މެޗުގައި ބައްދަލުކުރާނީ އެފްސީ ތާވަޅޭ އާއި މެންޗެސްޓާ އޮބެސިޓީ އެވެ.
މާދަމާގެ މެޗުތަށް ވެސް ފަށާނީ މާދަމާ ހަވީރު 16:15 ގައެވެ.
މިލިޔުން ކިޔާލުމުން
