
ޗައިނާއިން ރުވާންޑާގެ މަސާކާ ހޮސްޕިޓަލަށް ސިއްހީ ސާމާނު ހަދިޔާކޮށްފި
ޗައިނާއިން ރުވާންޑާގެ މަސާކާ ހޮސްޕިޓަލަށް ސިއްހީ ސާމާނު ހަދިޔާކޮށްފިއެވެ.
ރުވާންޑާގެ ވެރިރަށް ކިގާލީގައި ހުންނަ މި ހޮސްޕިޓަލަށް މި ސާމާނު ހަދިޔާކުރީ ބުދަ ދުވަހުއެވެ. އަދި މިއީ ރުވާންޑާގައި ހާލުގައިޖެހިފައިތިބި މީހުންގެ ސިއްހީ ހާލަތު އިތުރަށް ގޯސްވިޔަނުދިނުމަށް ހަދިޔާކުރި ސާމާނު ކަމަށް މާސްމީޑިއާގައި ބުނެފައިވެއެވެ.
ޗައިނާގެ އެހީތެރިކަމާއެކު ޢިމާރާތްކޮށްފައިވާ މަސާކާ ހޮސްޕިޓަލަށް ހަދިޔާކުރި ތަކެތީގެ ތެރޭގައި ބޭހާއި ކުދި އޮޕަރޭޝަންތަކަށް ބޭނުންވާ ސާމާނު ހިމެނެއެވެ. އަދި މިތަކެތިން ބަލި މީހުންނަށް ފަރުވާ ދިނުމަށް ޗައިނާގެ ޓީމެއް ރުވާންޑާގައި ތިބޭނެކަމަށްވެސް މީޑިއާގައި ބުނެފައިވެއެވެ.



