އަތޮޅުތެރޭގައި މަސައްކަތް ކުރާނެ ދިވެހި ޑޮކްޓަރުން ހޯދަނީ

އަތޮޅުތެރޭގެ ހޮސްޕިޓަލުތަކާއި ޞިއްޙީ މަރުކަޒުތަކަށް ޑޮކްޓަރުން ހޯދުމަށް ހެލްތު މިނިސްޓްރީ އިން މިއަދު އިއުލާން ކޮށްފިއެވެ.

އިޝްތިހާރު

އެ މިނިސްޓްރީލް ކުރި އިއުލާނުގައި ބުނެފައިވަނީ ހެލްތް މިނިސްޓްރީގެ ދަށުން ހިނގަމުންދާ ހޮސްޕިޓަލްތަކާއި މަރުކަޒުތަކުގައި މަސައްކަތް ކުރުމަށް ބޭނުންވަނީ ދިވެހި ޑޮކްޓަރުން ކަމަށާއި އެގޮތުން މި މަޤާމުތަކަށް 385 ދިވެހިން ބޭނުންވާކަމަށެވެ.

މީގެ އިތުރުން ހެލްތް މިނިސްޓީގެ މި އިއުލާނުގައި ދިވެހި ޑޮކްޓަރުން ބޭނުންވާ ހޮސްޕިޓަލްތަކާއި ހެލްތު ސެންޓަރުތަކުގެ މައުލޫމާތު ވެސް ވަނީ ހާމަކޮށްފައެވެ. އެގޮތުން ކުޅުދުއްފުށީ ހޮސްޕިޓަލް، ލ.ގަން ރީޖަނަލް ހޮސްޕިޓަލް އަދި ތިނަދޫ އަބްދުލް ޞަމަދު މެމޯރިއަލް ހޮސްޕިޓަލް ހިމެނެއެވެ.

މީގެ ތެރެއިން އެންމެ ގިނަ ޑޮކްޓަރުން  ބޭނުން ވަނީ ކުޅުދުއްފުށީ ރީޖަނަލް ހޮސްޕިޓަލަށެވެ. އެހޮސްޕިޓަލަށް 17 ޑޮކްޓަރަކު ބޭނުންވާ ކަމަށް އިއުލާނުގައި ވެއެވެ. ދެވަނަ އަށް އެންމެ ގިނަ ޑޮކްޓަރުން ބޭނުން ވަނީ ލ.ގަން ރީޖަނަލް ހޮސްޕިޓަލަށާއި ތިނަދޫގައި އަބްދުލް ޞަމަދު މެމޯރިއަލް ހޮސްޕިޓަލަށެވެ. އެ ދެ ހޮސްޕިޓަލްގެ ތެރެއިން ކޮންމެ ހޮސްޕިޓަލަކަށް ވެސް 14 ޑޮކްޓަރުން ބޭނުންވާ ކަމަށް މި އިއުލާނުގައި ބުނެފައިވެއެވެ.

މީގެ ތެރެއިން ނުވަ ރޭންކެއްގެ ޑޮކްޓަރުންނާއި އެ ޑިކްޓަރުންނަށް ލިބޭނެ މުސާރަ އާއި ޝަރުތުތަކެއްވެސް މި އުލާނުގައި ބަޔާން ކޮށްފައިވެއެވެ.

އެގޮތުން އެންމެ މަތީ ރޭންކްގެ ޑޮކްޓަރަކަށް މުސާރަ އާއި ސާވިލް އެލަވަންސާއި އެކު މަހަކު -/30290 ރުފިޔާ ލިބޭނެކަމަށް މި އިއުލާނުގައި ބުނެފައިވާއިރު، އެންމެ ދަށް ރޭންކްގެ ޑޮކްޓަރަކަށް މުސާރަ އާއި ސާވިލް އެލަވަންސާއި އެކު މަހަކު -/23340 ރުފިޔާ ލިބޭނެކަމަށް ބުނެފައިވެއެވެ.

މީގެ އިތުރުން އިތުރު އިނާޔަތްތަކުގެ ގޮތުގައި ޕެންޝަނާބެހޭ ޤާނޫނުގެ ދަށުން ލިބިދެވޭ ޕެންޝަން ކޮންޓްރިބިއުޝަން، ސިވިލް ސަރވިސްގެ މުވައްޒަފުންނަށް ހަމަޖެހިފައިވާ އުސޫލުން ބޭސްފަރުވާގެ ޚިދުމަތް، ސިވިލް ސަރވިސްގެ މުވައްޒަފުންނަށް ހަމަޖެހިފައިވާ އުސޫލުން އިތުރުގަޑީގެ ފައިސާ އަދި މީގެ އިތުރުން މަޤާމަށް ކަނޑައެޅިފައިވާ ޢިނާޔަތްތައް ލިބޭނެ ކަމަށް މި އިއުލާނުގައި ބަޔާންކޮށްފައިވެއެވެ.

އިއުލާނުގައި ބަޔާންކޮށްފައިވާ ގޮތުން މި މަޤާމުތަކަށް އެދި ހުށަހަޅަންހޭ ލިޔެކިޔުންތަށް ހުށަހަޅާނީ 09 ޖޫން 2019 ވާ ހޯމަ ދުވަހުގެ 13:00 ގެ ކުރިންނެވެ. އަދި މި ލިޔެކިޔުންތަށް ހުށައަޅާނީ ވަޒީފާއަށް އެދޭ ހޮސްޕިޓަލެއް ނުވަތަ މަރުކަޒަކަށާއި މިމަގާމުތަކަށް މީހުން ހޮވުމަށް ބޭއްވޭ އިންޓަރވިއު އަންނަ ޖޫން މަހުގެ  16 އިން ޖުލައި 04 އާ ހަމައަށް ކުރިޔައްދާނެއެވެ. އަދި މި ފަރާތްތަކާއި އިންޓަރވިއު ކުރަމުން ގެންދާނީ އެ ފަރާތަކުން ވަޒީފާއަށް އެދޭ ހޮސްޕިޓަލެއް ނުވަތަ މަރުކަޒެއް ގައެވެ.