މެކްސިކޯގެ އަސްކަރީ ހެލިކޮޕްޓަރެއް ވެއްޓި 6 މީހުން މަރުވެއްޖެ
މެކްސިކޯގެ އަސްކަރީ ހެލިކޮޕްޓަރެއް ވެއްޓި 6 މީހުން މަރުވެއްޖެކަމަށް އެޤައުމުގެ ނޫސްތަކުން ބުނެފިއެވެ.
ޚަބަރުތައް ބުނާގޮތުން މަރުވެފައިވަނީ އެ ހެލިކޮޕްޓަރުން ދަތުރުކުރި އަސްކަރިއްޔާއަށް ނިސްބަތްވާ 5 މީހުންނާއި ކެޕްޓަނެވެ.
މަރުވި މީހުންގެ ތެރޭގައި ހެލިކޮޕްޓަރ ދުއްވަން އިން ޕައިލެޓްވެސް ހިމެނޭ ކަމަށް ވަނީ ބުނެފައެވެ.
އަސްކަރިއްޔާ އާޙަވާލާދީ ނޫސްތަކުން ބުނެފައިވަނީ އެމް.އައި 17 ހެލިކޮޕްޓަރ ވެއްޓުނީ މިއަދު ހެނދުނު 6 ޖަހާއެހާކަންހާ އިރު ކަމަށެވެ. އަދި ވެއްޓުމާއެކު ބޯދުންގަނޑެއް ފެތުރު ކަމަށެވެ.
މި ހާދިޘާ ހިނގަން މެދުވެރިވީ މޫސުން ގޯސްވުމުގެ ސަބަބުން ކަމަށް ބެލެވޭ ކަމަށާއި އިތުރަށް ތަޙުޤީޤު ކުރަމުން އަންނަކަމަށްވެސް ނޫސްތަކުގައި ބުނެފައިވެއެވެ.
މެކްސިކޯގެ ރައީސް އެންޑްރެސް މެނުއަލް ލޮޕޭޒް ވަނީ އެ ހާދިޘާގައި މަރުވި ފަރާތްތަކުގެ ޢާއިލާތަކަށް ހަމްދަރުދީގެ މެސެޖު ފޮނުވާ، ހިތާމަ ފާޅުކުރައްވާފައެވެ.
މިލިޔުން ކިޔާލުމުން
