ކްރިސްޓަލް ޕެލަސް އަތުން ބަލިވެ ހަޑަލްސްފީލްޑް ރެލިގޭޓް ވެއްޖެ

އިނގިރޭސި ޕްރިމިއާ ލީގުގައި މިރޭ ކްރިސްޓަލް ޕެލަސް އަތުން ބަލިވެ  ހަޑަލްސްފީލްޑް ރެލިގޭޓް ވެއްޖެއެވެ.

މިރޭ ކްރިސްޓަލް ޕެލެސްއާ ދެކޮޅަށް، ކުޅުނު މެޗުން  ހަޑަލްސްފީލްޑް ބަލިވީ 0-2 ގެ ނަތީޖާއަކުންނެވެ. އެޓީމު މިރޭގެ މެޗުން ބަލިވެ ރެލިގޭޓް ވިއިރު، ކުރިޔަށް ބާކީ ހަ މެޗު އަދި އެބައޮތެވެ.  ކްރިސްޓަލް ޕެލެސްގެ ގޯލްތައް މިރޭ ފަށާފައި ވަނީ މިލިވޮލެޖިވިޗް އަދި ވޭން އަން ހޯލްޓެވެ.

އިޝްތިހާރު

ޕްރިމިއަރ ލީގުގައި މިއަދާއި މިރޭ ކުޅުނު އެހެެނިހެން މެޗުތަކުގެ ނަތީޖާތަކަށް ބަލާއިރު، މެންޗެސްޓަރ ޔުނައިޓެޑު ވަނީ 1-2 ގެ ނަތީޖާއިން ވެޓްފޯޑްގެ މައްޗަށް ކުރިހޯދާފައެވެ. މެންޗެސްޓާ ސިޓީ 0-2 އިން ފުލަމްގެ މައްޗަށް ކުރިހޯދާފައިވާއިރު، ލެސްޓަ ސިޓީވެސް ވަނީ 0-2 ގެ ނަތީޖާއިން ބޯންމައުތްގެ މައްޗަށް ކުރިހޯދާފައެވެ. އަދި ބާންލީ ވުލްވަރެމްޓަންގެ މައްޗަށް 0-2 އިން ކުރިހޯދިއިރު، ސައުތެމްޕްޓަން ވަނީ 0-1 އިން ބްރައިޓަން ބަލިކޮށްފައެވެ.