ސަޢޫދީއަށް ފޮނުވާލި މިސައިލްތަކެއް ގޮއްވާލުމުން އޭގެ ބައިތައް ވެއްޓި ދެ މީހަކަށް އަނިޔާވެއްޖެ
ސަޢޫދީ ޢަރަބިއްޔާއަށް ފޮނުވާލި ބެލިސްޓިކް މިސައިލްތަކެއް ގޮއްވާލުމުން އޭގެ ބައިތައް ވެއްޓި ދެ މީހަކަށް އަނިޔާވެއްޖެ އެވެ.
ސަޢޫދީ ޢަރަބިއްޔާގެ ޚަމީސް މުޝައިތާއި އަހަދު ރަފީދާ ސަރަހައްދަށް އަމާޒުކޮށް ފޮނުވާލި ދެ ބެލިސްޓިކް މިސައިލެއް ވައިގެ ތެރޭގައި ގޮއްވާލުމުން އޭގެ ބައިތައް ވެއްޓި ދެ މީހަކަށް އަނިޔާވެ ބައެއް އިމާރާތްތަކަށާއި އުޅަނދުތަކަށް ގެއްލުން ވެފައިވާ ކަމަށް އެ ޤައުމުގެ ސިވިލް ޑިފެންސްއިން އާދީއްތަ ދުވަހު ބުނެފި އެވެ.
ސިވިލް ޑިފެންސްއިން ހާމަކުރި ގޮތުގައި މިސައިލްގެ ބައިތައް ވެއްޓުމުގެ ސަބަބުން އަނިޔާވެފައިވަނީ ސަޢޫދީ ރައްޔިތަކަށާއި އޭޝިއާ ބައްރުގެ ބިދޭސީއަކަށެވެ.
އެ އިދާރާގެ ބަޔާނުގައިވާ ގޮތުން މި ހާދިސާގައި މީހުން ދިރިއުޅޭ ތިން އިމާރާތަކަށާއި ހަތް އުޅަނދަކަށް އެކިވަރުގެ މާއްދީ ގެއްލުންތައް ވަނީ ލިބިފަ އެވެ.
ނަމަވެސް މި މިސައިލްތައް ފޮނުވާލީ ކޮން ފަރާތަކުން ކަމެއް ސިވިލް ޑިފެންސްއިން ހާމައެއް ނުކުރެ އެވެ.
މިލިޔުން ކިޔާލުމުން
