ކަލަރބޭންކުން ޖޯޓަން މެރިން ސެމިނަރ ބާއްވައިފި

ކަލަރބޭންކުން ޖޯޓަން މެރިން ސެމިނަރ ގެ ނަމުގައި ވަރަށް ޙާއްސަ ސެމިނަރ އެއް ބާއްވައިފިއެވެ.
ޗަމްޕާ ސެންޓްރަލް ހޮޓެލްގައި ހޯމަ ދުވަހުގެ ރޭ ބޭއްވި ހާއްސަ ސެމިނަރ އަކީ ކަލަރ ބޭންކުން ވިއްކާ ޖޯޓަން މެރިން ޕެއިންޓްގެ މައުލޫމާތު ހިއްސާކުރުމުގެ ގޮތުން ބޭއްވި ސެމިނާއެކެވެ.
މި ސެމިނަރ ގައި މޯލްޑިވްސް ބޯޓް އެސޯސިއޭޝަންގެ ބައެއް ބޭފުޅުންގެ އިތުރުން ޖޯޓަން މެރިން ކޯޓިންގްސްގެ މެރިން ސޭލްސް މެނޭޖަރ މުހައްމަދު ހުސާމް އާއި ކަލަބޭންކްގެ ޖެނެރަލް މެނޭޖަރ މުހައްމަދު ހާނީ ބައިވެރިވެލެއްވިއެވެ. ޖޯޓަން މެރިން ކޯޓިންގްސްގެ ފަރާތުން މައުލޫމާތު ދެއްވަމުން މުހައްމަދު ހުސާމް ވިދާޅުވީ މި ސެމިނަރ ވެގެން ދިޔައީ ވަރަށް ވެސް ކާމިޔާބު ސެމިނަރ އަކަށް ކަމަށެވެ.
ކަލަބޭންކްގެ ޖެނެރަލް މެނޭޖަރ މުހައްމަދު ހާނީ މައުލޫމާތު ދެއްވަމުން ވިދާޅުވީ ކަލަބޭންކުން އަބަދުވެސް ބަލަނީ ކަސްޓަމަރުންނަށް ގާތުން އުފެއްދުންތަކުގެ މައުލޫމާތު ދިނުމަށް ކަމަށެވެ.
މި ސެމިނަރގައި ހާއްސަ ލަކީ ޑްރޯއެއް ވެސް ވަނީ ނަގާފައެވެ. އެގޮތުން ގުރުއަތުން ދިމާވި ފަރާތަށް ދުބާއީ އަށް ޖޯޓަން ޓްރެއިނިންގް ދަތުރެއް މުޅިން ހިލޭ އިނާމެއްގެ ގޮތުން ލިބިފައިވެއެވެ.
ޖޯޓަން މެރިން ކޯޓިންގްސްއަކީ އަލަށް ބަންނަ އަދި މަރާމާތު ކުރާ އޮޑި ދޯނި ފަހަރަށް ހާއްސަ އުފެއްދުންތައް ފޯރުކޮށްދިނުމުގައި ދުނިޔޭގެ ގިނަ ގައުމުތަކުގެ އިތުބާރު ހޯދާފައިވާ ކުންފުންޏެކެވެ

އިޝްތިހާރު