މޯލްޑިވްސް ލިވިންގ އެކްސްޕޯރ: ގެދޮރާއިބެހޭ ގިނަ މަޢުލޫމާތު އެއްފުރާޅެއްގެދަށުން

މޯލްޑިވްސް ލިވިންގ އެކްސްޕޯރއަކީ ގެދޮރާއިބެހޭ ގިނަ މަޢުލޫމާތުތަކެއް ފޯރުކޮށްދޭ އެކްސްޕޯރއެކެވެ.

އެގޮތުން ގެދޮރު ގަންނަން ބޭނުންވާ ފަރާތްތަކަށާއި ގޭތެރެއަށް ބޭނުންވާ ސާމާނު ގަންނަން ބޭނުންވާ ފަރާތްތަކަށް އެއްތަނަކުން އެފަދަ ތަކެތި ބަލާލާ، މަޢުލޫމާތު ހިއްސާކުރުމަށް ރަނުގެ ފުރުޞަތެއް ލިބެއެވެ.

އިޝްތިހާރު

2013 ވަނަ އަަހަރުންފެށިގެން ހައިރައިޒް އިން އިންތިޒާމުކޮށްގެން ކޮންމެ އަހަރަކުވެސް ބާއްވަމުން އަންނަ މޯލްޑިވްސް ލިވިންގ އެކްސްޕޯރ މިއަހަރު އޮތީ ދަރުބާރުގޭގައެވެ. މިއީ މިފަދަ 7 ވަނަ ލިވިންގ އެކްސްޕޯރއެވެ.

މިއަހަރުގެ އެކްސްޕޯރގައިވެސް ރާއްޖެއާއި އަވަށްޓެރި ސްރީލަންކާ އިން އެޕާޓްމެންޓު ގަންނަން ބޭނުންވާ ފަރާތްތަކަށް ވަރަށް ރަނގަޅު ފުރުޞަތުތަކެއް ވަނީ ހުޅުވާލައިފައެވެ.

އެގޮތުން އެކްސްޕޯރއަށް ޒިޔާރަތްކޮށްގެން އެޕާޓްމެންޓު ބުކް ކުރާނަމަ ރަނގަޅު ޑިސްކައުންޓެއް ލިބެއެވެ. އަދި ހުޅުމާލޭގައި މިހާރު އަޅަމުންދާ ލަގްޒަރީ އެޕާޓްމެންޓުތަކާއި ލަންކާގައި އިމާރާތްކުރާ އެޕާޓްމެންޓުތައް ބުކް ކުރުމުގެ ފުރުޞަތުވެސް ވަނީ ހުޅުވާލައިފައެވެ.

މިއަހަރުގެ އެކްސްޕޯރ ހޯމް އެންޑް ލައިފްސްޓައިލަށް ޓާގެޓުކޮށްފައިވާއިރު، މިއަހަރު ވަނީ ލަންކާގެ 5 ކުންފުންޏެއްވެސް ބައިވެރިވެފައެވެ.

ފައިބެއަހަރުތަކެކޭވެސް އެއްގޮތަށް މިއަހަރުވެސް ލިވިންގ އެކްސްޕޯރއަށް ޒިޔާރަތްކުރާ ފަރާތްތަކުގެ މެދުގައި ކޮންމެ ދުވަހަކު ގުރުއަތު ނަގައި، ގުރުއަތުން ހޮވޭ ފަރާތްތަކަށް ޚާއްޞަ ހަދިޔާތަކެއް ދިނުމަށް ވަނީ ނިންމާފައެވެ.

މިއަހަރުގެ އެކްސްޕޯރ ކުރިއަށްދަނީ މި މަހުގެ 9 ން 11 ގެ ނިޔަލަށެވެ.

ލިވިންގ އެކްސްޕޯގެ މިއަހަރުގެ މެއިން ސްޕޮންސަރއަކީ އެލައިޑް އިންޝުއަރެންސް ކޮމްޕެނީއެވެ. ކޯ ސްޕޮންސަރުންނަކީ އަލްޓެއާ އަދި އަކުއާ ވިޓާއެވެ. ސަޕޯޓިންގ ޕާޓްރަރަކީ އެޗްޑީސީއެވެ. އެސޯސިއޭޓް ޕާޓްނަރަކީ ރީފްސައިޑެވެ.

މިއީ މަސީ އިން އެންޑޯޒްކޮށްފައިވާ އެކްސްޕޯއެކެވެ.