ހުޅުދުއްފާރަށް ދިމާވެފައިވާ ކަރަންޓުގެ މައްސަލަ ޙައްލުކުރުމަށް ޖަނަރޭޓަރެއް ފޮނުވައިފި
ހުޅުދުއްފާރަށް ދިމާވެފައިވާ ކަރަންޓުގެ މައްސަލަ ޙައްލުކުރުމަށް ޖަނަރޭޓަރެއް ފޮނުވައިފިއެވެ.
މިއީ ފެނަކަ ކޯޕަރޭޝަން ލިމިޓެޑުން އެރަށަށް ކަރަންޓުދެމުންގެންދިޔަ 3 ޖެންސެޓްގެތެރެއިން 250 ކިލޯވޯޓްގެ ޖެންސަޓަށް ދިމާވި މައްސަލައަކާއިގުޅިގެން މެދުނުކެނޑި ކަރަންޓް ފޯރުކޮށްދިނުމުގައި ދިމާވެފައިވާ މައްސަލަ ހައްލުކުރުމަށް ފޮނުވި ޖެނެރޭޓަރެކެވެ.
ފެނަކައިން އެރަށަށް ފޮނުވީ 400 ކިލޯވޯޓްގެ ޖަނަރޭޓަރެއްކަމަށް ފެނަކަ ކޯޕަރޭޝަނުން ވަނީ މަޢުލޫމާތުދީފައެވެ.
މި ޖެނެރޭޓަރު އިންސްޓޯލްކުރުމުގެ މަސައްކަތް މިހާރުފަށާފައިވާ އިރު، މަސައްކަތް ރޭވިފައިވާގޮތަށް ކުރިއަށް ދާނަމަ ކުރިއަށް އޮތް 24 ގަޑިއިރުތެރޭ މަސައްކަތް ނިންމާ އެޖެނަރޭޓަރުން ކަރަންޓު ދެވޭނެކަމަށްވެސް އެ ކޯޕަރޭޝަނުން ބުނެއެވެ.
މީގެ އިތުރުން މިވަގުތު ހުޅުދުއްފާރަށް ދިމާވެފައިވާ ކަރަންޓުގެ މައްސަލަ ޙައްލުވެ، ޢާންމު ހާލަތަކަށް ގެނެވޭނެކަމަށް އުއްމީދުކުރާކަަމަށްވެސް ފެނަކަ އިން ބުންޏެވެ.
މިލިޔުން ކިޔާލުމުން
