އުރީދޫގެ ކަސްޓަމަރުންނަށް އުފާވެރި ޚަބަރެއް..

އުރީދޫގެ ޕާޓްނަރުންގެ ވިއުގަ ހަރުދަނާކޮށް، ކަސްޓަމަރުންނަށް އަވަސް އަދި ފުރިހަމަ ޚިދުމަތް ފޯރުކޮށްދިނުމަށް ބާރުވެރިކޮށްދޭ ސުމޭކީ ވަސީލަތްތަކާއި ވިޔަފާރީގެ ބައިވެރިން ގުޅުވައިދީގެން، އެކުންފުނީގެ މައި ފިހާރަތައް ނުވަތަ އުރީދޫ އެކްސްޕީރިއަންސް ސެންޓަރުތަކުން ލިބިލައްވާ އެންމެހާ ޚިދުމަތްތަކެއް ރާއްޖޭގެ އާބާދުވެފައިވާ ހުރިހާ ރަށަކުން ފޯރުކޮށްދިނުން މަގުފަހިކޮށް ދީފިއެވެ.

މީގެތެރޭގައި ޕްރީޕެއިޑް އަދި ޕޯސްޓްޕެއިޑް ޕްލޭނާއި އެޑް-އޯންތައް ޚިޔާރުކުރެއްވުން، އުރީދޫގެ ބިލަށް ފައިސާ ދެއްކުން އަދި އެމް-ފައިސާގެ ޚިދުމަތްތައް ހޯދުންވެސް ހިމެނެއެއެވެ. ހަމައެހެންމެ، ސުޕަނެޓް ފިކްސްޑް ބްރޯޑްބޭންޑް ތައާރަފް ކޮށްފައިވާ ރަށްތަކުގައި، ސުޕަނެޓްގެ ޚިދުމަތްތައްވެސް އުރީދޫގެ ޕާޓްނަރ ފިހާރަތަށް މެދުވެރިކޮށް ބައްލަވައިގަނެވޭނެ އެވެ. އަދި ހުރިހާ ފިހާރަތަކުންވެސް އުރީދޫގެ ޚިދުމަތްތަކާއި ބިލްތަކާއި ބެހޭ މައުލޫމާތު ފޯރުކޮށްދެވި، ކަސްޓަމަރުންގެ ސުވާލުތަކަށް ވަރަށް ގާތުން އެހީތެރިކަން ފޯރުކޮށްދޭނެއެވެ.

އިޝްތިހާރު

”ސުމޭކީ ޚިދުމަތްތައް ފޯރުކޮށްދޭ ކުންފުންޏެއްގެ ގޮތުގައި، ކަސްޓަމަރުންނާއި ހަމައަށް އަޅުގަނޑުމެންގެ ޚިދުމަތްތައް ފޯރުކޮށްދޭ ޑިސްޓްރިބިއުޝަން ސްޓްރެޓެޖީ އިން ފެށިގެންގޮސް، ކަސްޓަމަރުންނާއި ކުރާ މުއާމަލާތްތަކާއި، ކުންފުނީގެ އެތެރޭގެ ތަފާތު ހިންގުންތަކާއި ހަމައަށްވެސް، އަޅުގަނޑުމެން މިދަނީ ސުމޭކީ އާލާތްތައް މެދުވެރިކޮށް ވަރުގަދަ ކުރަމުން. ރާއްޖޭގެ މީހުން ދިރިއުޅޭ ކޮންމެ ރަށެއްގައިވެސް، އުރީދޫގެ ކޮންމެ ޚިދުމަތެއް ޚިޔާރުކުރުމުގެ ފުރުސަތު މަގުފަހިކޮށް، ކަސްޓަމަރުންގެ ކޮންމެ ބޭނުމަކަށްވެސް އަމަލީގޮތުން އެހީތެރިކަން ފޯރުކޮށްދެވުމަކީ އަޅުގަނޑުމެން ނުހަނު ފަޚުރުވެރިވާ ކަމެއް. ޒަމާނީ ޓެކްނޮލޮޖީތަކާއި، އީޖާދީ ޚިދުމަތްތަކުގެ އެހީގައި އުރީދޫ އިން އަބަދުވެސް މަސައްކަތް ކުރަމުންދާނީ، އަޅުގަނޑުމެންނާއި އެކު ކަސްޓަމަރުން ކުރާ ކޮންމެ ތަޖުރިބާއެއްވެސް އިތުރަށް ފުރިހަމަކޮށްދިނުމަށް.“ އުރީދޫގެ ސީއީއޯ، ނަޖީބް ޚާން ވިދާޅުވިއެވެ.

ރާއްޖޭގެ އެކި ކަންކޮޅުތަކަށް ބެހިފައިވާ ކަސްޓަމަރުންނަށް އެއް ފެންވަރެއްގައި، ފުރިހަމަ ޚިދުމަތް ފޯރުކޮށްދިނުމަކީ އުރީދޫ އިން ފެށުނީއްސުރެ އަހަމިއްޔަތުކަންދޭ ކަމެކެވެ. 2016 ވަނަ އަހަރު ރާއްޖޭގެ އުތުރުން ދެކުނަށް ސަބްމެރިން ކޭބަލް އެޅުމާއި އެކު، އުރީދޫއިން ވަނީ މުޅި ރާއްޖެއަށް 4ޖީ+ގެ ނެޓްވަރކް ފޯރުކޮށްދީ، ގައުމުގެ ސުމޭކީ ވިއުގަ އެތައް ގުނައަށް ވަރުގަދަ ކޮށްދީފައެވެ. މިކަން ވެގެން ދިޔައީ، އެންމެހާ ދިވެހިންވެސް ހިމެނޭގޮތަށް، ބައިނަލްއަޤްވާމީ ސުމޭކީ ދުނިޔެއާއި ގުޅުވާލަދިން ކަމަކަށެވެ. ހަމައެހެންމެ، އިޤްތިސާދީ އަދި އިޖްތިމާއީ ތަރައްޤީ މަގުފަހިކޮށްދިނުމުގައި ބްރޯޑްބޭންޑުގެ މުހިއްމު ދައުރު ދެނެގަނެ، އުރީދޫ އިން ވަނީ 4ޖީ+ މެދުވެރިކޮށް ބްރޯޑްބޭންޑުގެ ޚިދުމަތް މުޅި ރާއްޖެއަށް ފޯރުކޮށްދީފައެވެ. މީގެ އިތުރުން، އުރީދޫގެ ސުޕަނެޓް ފިކްސްޑް ބްރޯޑްބޭންޑުގެ ޚިދުމަތް ފުޅާކުރުމަށް ކުރަމުންދާ ބުރަ މަސައްކަތާއި އެކު، 2018 ގެ ނިޔަލަށް ވަނީ ރާއްޖޭގެ %60 އަށް ޚިދުމަތް ފޯރުކޮށްދީފައެވެ.

މައި އުރީދޫ އެޕް، އުރީދޫ ނެކްސްޓް، އަދި މަގޭ ޕްލޭން ފަދަ ސުމޭކީ ޕްލެޓްފޯމްތައް މެދުވެރިކޮށް އުރީދޫ ކަސްޓަމަރުންނަށް ކޮންމެ ތަނަކު ހުރެގެން، ކޮންމެ ވަގުތެއްގައިވެސް އުރީދޫގެ ޚިދުމަތް ހޯދޭނެއެވެ. ލިބިގެންދާ ފަސޭހަތަކާއި، އަވަސް ޚިދުމަތްތުގެ ސަބަބުން، 2018 ވަނަ އަހަރުގައި އުރީދޫގެ މި ޕްލެޓްފޯމްތައް މެދުވެރިކޮށް ކަސްޓަމަރުން ކޮށްފައިވާ ސުމޭކީ މުއާމަލާތްތައް ވަނީ ދެގުނަވެފައެވެ. ހަމައެހެންމެ، ރާއްޖޭގެ އެކި ހިސާބުތަކުގައިވާ ޕާޓްނަރުންނާއި އެކު، އުރީދޫ އިން މަސައްކަތް ކުރަނީ އަމަލީގޮތުން އެހީ ބޭނުންފުޅުވާ ކަސްޓަމަރުންނަށްވެސް އެންމެ ފުރިހަމަ ޚިދުމަތް ފޯރުކޮށްދިނުމަށެވެ.

އުރީދޫގެ ކަސްޓަމަރުންގެ ތަޖުރިބާތައް އެއްދުވަހުން އަނެއްދުވަހަށް ރަނގަޅުކުރުމަށްޓަކައި، އެކުންފުނިން ޚިދުމަތްތަކާއި، ޚިދުމަތް ފޯރުކޮށްދޭ ގޮތަށް އީޖާދީ ބަދަލުތައް ގެނެސް ކުރިއެރުވުމަށް އަބަދުވެސް މަސައްކަތް ކުރަމުންދާނެއެވެ.