އެސްޕަންޔޯލްގެ މައްޗަށް ކުރިހޯދާ ބާސެލޯނާ ލީގުގެ ދެވަނައަށް.

ސްޕެނިޝް ލީގުގައި ރޭ ބާސެލޯނާއާއި އެސްޕަންޔޯލް ބައްދަލިކުރި މެޗު ފަސޭހަކަމާއެކު ބާސެލޯނާއިން ކާމިޔާބުކޮށްފިއެވެ.

ރޭގެ މެޗު ބާސެލޯނާއިން ކާމިޔާބުކުރީ 4-1 ގެ ނަތީޖާއިނެނެވެ.

އިޝްތިހާރު Below Header ad

ބާސެލޯނާގެ އަމިއްލަ ދަނޑުގައި ކުޅެވުނު މި މެޗުގައި އެޓީމުގެ ފަރާތުން ރަނގަޅު ކުޅުމެއް ފެނުގެން ދިޔައިރު މެޗުގެ 18 ވަނަ މިނެޓުގައި ލުއިސް ސުއަރޭޒް ކާމިޔާބުޖުރި ގޯލުން ބާސެލޯނާ ވަނީ މެޗުގެ ލީޑު ނަގާފައެވެ.

މި ގޯލާ އެކު މެޗުގެ ފުރަތަމަ ހާފު ބާސާ ލީޑުގައި އޮވެ ނިންމާލިއިރު ދެވަނަ ހާފުގައިވެސް މޮޅަށް ކުޅެ މެޗު ކޮންޓްރޯލް ކުރަމުން ގެންގޮސްފައިވަނީ ބާސާއިންނެވެ.

ނަތީޖާއެއްގެ ގޮތުން މެޗުގެ 66 ވަނަ މިނެޓުގައި ބާސާއިން ވަނީ އެޓީމުގެ ދެވަނަ ގޯލް ކާމިޔާބުކޮށްފައެވެ.

ޖޯޑީ އަލްބާގެ ހިއްގައިމު ގޯލުން ބާސާ ލީޑު ފުޅާ ކުރިއިރު ލުއިސް ސުއަރޭޒް ވަނީ ޖެހިގެން އައި މިނެޓުގައި ބާސާގެ ތިންވަނަ ގޯލް ކާމިޔާބުކޮށްދީ ލީޑު އިތުރަށް ފުޅާކޮށްފައެވެ.

ބާސާގެ ހަތަރުވަނަ ގޯލު ކާމިޔާބުކޮށްދިނީ ލިއޮނެލް މެސީއެވެ.

މި މެޗުގައި އެސްޕަންޔޯލްގެ ހަމައެކަނި ގޯލް މެޗުގެ 79 ވަނަ މިނެޓުގައި ކާމިޔާބުކުރީ ލޯޕޭޒް އެވެ.

މި މޮޅާއެކު ބާސާ މިވަގުތު އޮތީ 34 ޕޮއިންޓާއެކު ޕޮއިންޓް ތާވަލްގެ 2 ވަނާގައެވެ. ތާވަލްގެ އެއްވަނާގައި ބާސާއަށްވުރެ އެއްމެޗު މަދުންކުޅެގެން 37 ޕޮއިންޓާއެކު އޮތީ ރެއާލް މެޑްރިޑެވެ. ތިންވަނާގައި އޮތީ 33 ޕޮއިންޓާއެކު އޮތީ ސެވިއްޔާއެވެ.

މިލިޔުން ކިޔާލުމުން

ވައިބަރ ޗެނަލަށް ވަންނަވާ
އިޝްތިހާރު

ޚިޔާލު ފާޅުކުރައްވާ


ގުޅުން ހުރި ލިޔުންތައް

Below Comments Ad
Back to top button
Close

Ad blocker Detected ! ފޮޓޯ ބްލޮކް ކުރާއެއް ފެނިއްޖެ

ތިޔަ ޑިވައިސްގައި ފޮޓޯ ބްލޮކް ކުރާ ސޮފްޓްވެއަރ/އެޕް އެއް އަޅާފައި އެބަހުއްޓެވެ. އެހެންކަމުން މިވެބްސައިޓްގައިވާ ފޮޓޯތައް ނުފެނުން އެކަށީގެންވެއެވެ. ފޮޓޯތައް ފެންނަ ގޮތަށް ވަނުމަށްޓަކައި ފޮޓޯ ބްލޮކް ކުރާ (އެޑް ބްލޮކަރ) އޮފކޮށްލައްވާށެވެ.