ޚާއްޞަ އިނާމުތަކަކާއެކު އުރީދޫއިން އެސްއެމްއެސް ސްކްރެބަލް ތަޢާރަފްކޮށްފި

ފަހުގެ މެކްބުކް ޕްރޯ އަދި އައިފޯން 7 ޕްލަސް ފަދަ އިނާމުތަކެއް ލިބޭ އުރީދޫ ”އެސްއެމްއެސް ސްކްރެބަލް“ ތަޢާރަފްކޮށްފިއެވެ.

މިއީ އެ ކުންފުނީގެ ޚާއްޞަ ޕްރޮމޯޝަންތަކަށް ލިބެމުންދާ ތަރުހީބާއެކު އެކުންފުނިން އެސްއެމްއެސް ސްކްރެބަލްގެ ނަމުގައި 600000 ރ. ގެ އިނާމުތަކެއް ކަނޑައެޅިފައިވާ މުބާރާތެކެވެ.

އިޝްތިހާރު

އެސްއެމްއެސް މެދުވެރިކޮށް ކުޅެވޭ މި މުބާރާތުން އެންމެ ގިނަ ޕޮއިންޓް ހޯއްދަވާ ފަރާތްތަކަށް ލިބޭ އިނާމުތަކުގެ ތެރޭގައި އައިފޯން 7، އައިފޯން 7 ޕްލަސް އަދި އެޕަލްގެ އެންމެ ފަހުގެ މެކްބުކްޕްރޯ ހިމެނެއެވެ.

އެސްއެމްއެސް ސްކްރެބަލްގައި ބައިވެރިވުމަށް:

• 4242 އަށް ‘GO’ ޖައްސަވާފައި ފޮނުއްވާ
• ކޮންމެ ބައިވެރިއަކަށްވެސް އަކުރުތަކެއް އެކުލެވޭ އެސްއެމްއެސްއެއް ލިބިގެންދާނެ.
• މި އަކުރުތައް ބޭނުންކޮށްގެން ބަސް ހެދުމަށްފަހު 4242 އަށް އެސްއެމްއެސް ކުރައްވާ.
• ރަގަޅު ބަހެއްކަމުގައި ވާނަމަ، އެބަހުގައި ހިމެނޭ ކޮންމެ އަކުރަކަށް 100 ޕޮއިންޓް ލިބިގެންދާނެ.
• ލިބިފައިވާ އަކުރުތަށް ބަދަލުކުރެއްވުމަށް، “CHANGE“ ނުވަތަ “NEXT” ޖެއްސެވުމަށްފަހު 4242 އަށް ފޮނުއްވާ. އަކުރުތައް ބަދަލުކުރަށްވާ ކޮންމެ ފަހަރަކުވެސް އިތުރު 50 ޕޮއިންޓް ލިބިގެންދާނެ.

ކޮންމެ ހަޕްތާއަކުވެސް އެންމެ ގިނަ ޕޮއިންޓް ހޯދާ ފަރާތަކަށް އައިފޯން 7 ޕްލަސް އެއް ލިބޭ އިރު، ހަފްތާތެރޭގައި ދެވަނައަށް އެންމެ ގިނަ ޕޮއިންޓް ހޯއްދަވާ ފަރާތަކަށް އައިފޯން 7 ލިބެއެވެ.

100 ދުވަހަށް ކުރިއަށްދާ މި މުބާރާތުގައި ކޮންމެ މަހަކުވެސް އެންމެ ގިނަ ޕޮއިންޓް ހޯދާ ފަރާތަކަށް އެޕަލްގެ އެންމެ ފަހުގެ މެކްބުކް ޕްރޯއެއް ލިބޭނެއެވެ.

އެސްއެމްއެސް ސްކްރެބަލް އާއިބެހޭ އިތުރު މަޢުލޫމާތު ހޯއްދެވުމަށް ‘HELP’ ޖައްސަވާފައި 4242 އަށް އެސްއެމްއެސް ކުރެއްވުމުން ލިބިވަޑައިގަންނަވާނެއެވެ. އަދި އުރީދޫ ވެބްސައިޓް ooredoo.mv އިންވެސް މި މަޢުލޫމާތު ލިބިވަޑައިގަންނަވާނެއެވެ.