މެސީ އާއެކު ބެކަމް ވައިޓް ހައުސްއަށް ނުދިޔައީ ކީއްވެ؟
2025 ވަނަ އަހަރުގެ އެމް.އެލް.އެސް ކަޕް ކާމިޔާބު ކުރުމުގެ އުފާ ފާޅުކުރުމަށް އިންޓަރ މިއާމީން ވައިޓް ހައުސްއަށް ތާރީޚީ ޒިޔާރަތެއް ކޮށްފައިވާއިރު، އެ ކްލަބުގެ އެންމެ މަޝްހޫރު ވެރިޔާ ފެނިފައެއްނުވެ އެވެ.
ލިއޮނަލް މެސީ އާއި އޭނާގެ ޓީމުގެ ކުޅުންތެރިންނަށް ރައީސް ޑޮނަލްޑް ޓްރަމްޕް ޝަރަފު އެރުވިއިރު، ޑޭވިޑް ބެކަމްއަށް ޖެހުނީ އަމިއްލަ ކަމެއްގައި ޔޫރަޕްގައި މަޑުކުރާށެވެ.
2025 ވަނަ އަހަރުގެ އެމް.އެލް.އެސް ކަޕް ފައިނަލް ކާމިޔާބު ކުރުމާ ގުޅިގެން، އެމެރިކާގެ ބޮޑެތި މުބާރާތްތަކުގެ ޗެމްޕިއަނުންނަށް އޮންނަ އުސޫލުން ޓީމަށް ވައިޓް ހައުސްއިން ވަނީ މަރުޙަބާ ކިޔާފަ އެވެ.
ނަމަވެސް ބެކަމް މި ދަތުރުގައި ބައިވެރިއެއް ނުވެއެވެ.
ޢުމުރުން 50 އަހަރުގެ ބެކަމް ކުރިން ގަސްދުކޮށްގެން ހުރީ ސާޖިއޯ ބުސްކެޓްސް، ޖޯޑީ އަލްބާ އަދި ލުއިސް ސުއަރޭޒް ފަދަ ތަރިންނާއެކު މި ވަފުދުގެ އިސްކޮށް ހުރުމަށެވެ.
ސީ.އެން.އެން އިން ރިޕޯޓްކޮށްފައިވާ ގޮތުގައި، ވައިޓް ހައުސްގެ އޮފިޝަލަކު ކަށަވަރުކޮށްދިން ގޮތުގައި މެންޗެސްޓަރ ޔުނައިޓެޑްގެ ލެޖެންޑް ޔޫރަޕްގައި މަޑުކުރީ އޭނާގެ އާއިލާއަށް އެހީތެރިވުމަށެވެ
. އޭނާ ހުރީ އަނބިކަނބަލުން ވިކްޓޯރިއާގެ ފެޝަން ޝޯއަށް ސަޕޯޓް ދިނުމަށް ޔޫރަޕްގައެވެ. ވިކްޓޯރިއާގެ ބްރޭންޑަށް މި ދުވަސްވަރަކީ މުހިންމު ދުވަސްވަރަކަށް ވާތީ، ބެކަމް އިސްކަންދިނީ އަނބިކަނބަލުންގެ މަސައްކަތަށެވެ.
މިލިޔުން ކިޔާލުމުން
