ކުޑަކުއްޖާއާއި ޖިންނި

މިއީ 90 ގެ އަހަރުތަކުގައި އިނގިރޭސިވިލާތުގެ ނޮޓިންގހަމްގެ ނިއުއާކް ކިޔާ އަވަށެއްގައި ހިނގި ހާދިސާއެކެވެ.

އަހަރެމެން ދިޔައީ 20 އަހަރު ވަންދެން ފަޅަށް ހުރި، އިނގިރޭސި ވައިގެ ސިފައިން (RAF) ކުރިން ބޭނުންކުރި ބާ އިމާރާތަކަށެވެ. އެތަނަކީ 120 ކޮޓަރިއާއި ބޮޑު ތިނެ ހޯލު ހިމެނޭ ވަރަށް ބޮޑު ތަނެކެވެ. އަހަރެމެން ދިރިއުޅެން ފެށީ އެތަނުގެ އިރުމަތީ ފަރާތުގަ އެވެ.

އިޝްތިހާރު

އަހަރެމެންގެ އުސްތާޒު ވިދާޅުވި އެވެ، ”އިމާރާތުގެ ހުޅަނގު ފަރާތަށް (West Wing) ނުދާށެވެ“. ނަމަވެސް ޒުވާންކަމުގެ ޖޯޝުގައި އަހަރެމެން ހަތް އަށް ކުދިންވެގެން މެންދުރުގެ ބޮޑު އަލީގައި އެތަނަށް ދިޔައީމެވެ. އެތަނުގެ ތެރެއިން ދޮރުތައް ތަޅާ އަޑާއި، ބިރުވެރި އަޑުތައް އިވުމުން އަހަރެމެން ކަލިމަ ކިޔަމުން ދުވެފައި އެތަނުން ނިކުތީމެވެ.

މި ހާދިސާ ދިމާވީ ބަނގްލަދޭޝްއަށް ނިސްބަތްވާ އުމުރުން 13 އަހަރުގެ ކުއްޖަކަށެވެ. އޭނާއަކީ އިނގިރޭސި ބަހެއް ނުވަތަ ޢަރަބި ބަހެއްވެސް އެނގޭ ކުއްޖެއް ނޫނެވެ. އޭނާއަށް އެނގެނީ ހަމައެކަނި ބެންގާލީ ބަހެވެ. އޭނާއަކީ ވަރަށް މަޑުމައިތިރި ކުއްޖެކެވެ. އޭނާ ހިފްޛު ކުރަން އުޅުނު ނަމަވެސް، އޭރު އޭނާއަށް ދަސްވެފައިވަނީ ޚަތިމުގެ ފުރަތަމަ ފޮތް އެކަންޏެވެ.

އެއްދުވަހަކު މި ކުއްޖާ އެކަނިމާ އެކަނި ހުޅަނގު ފަރާތަށް ގޮސްފައި އެނބުރި އައެވެ.

އެރޭ އޭނާ ޤުރްއާން ހިފައިގެން އުސްތާޒުގެ ގާތަށް ގޮސް، ޢަރަބި ބަހުން ބުންޏެވެ، ”އަހަރެން ޓެސްޓު ކޮށްބަލާށެވެ“. އުސްތާޒު ހައިރާންވެފައި، 15 ވަނަ ފޮތުން ކިޔަވަން ބުނުމުން، އެއްވެސް ކުށެއް ނެތި އޭނާ އެ ފޮތް ކިޔަވައިދިނެވެ. އަދި އޭނާ އުސްތާޒާ ޢަރަބި ބަހުން ވާހަކަ ދައްކަންފެށި އެވެ.

މިކަމާ ގުޅިގެން އެ ކުއްޖާގެ އުޅުމަށް ބަދަލުތަކެއް އައެވެ.

އޭނާ އަމިއްލައަށް ބޯކޮށާ މެޝިން ނަގައިގެން ބޮލުގެ އެއްފަރާތް މުޅިން ބާލައި، އަނެއްފަރާތް ދިގުކޮށް ބެހެއްޓި އެވެ. އަދި އެއްރެއަކު ދަންވަރު 2 ޖެހިއިރު، އެ ކޮޓަރީގައި ތިބި އެހެން ކުދިން ބިރުން ހަޅޭއްލަވަމުން ދުވެފައި އައެވެ.

އެ ކުދިން ބުނި ގޮތުގައި، ފާރުގެ ތެރެއިން އެއްޗެއް ދަމާ އަޑާއި، ބިރުވެރި ގޮތަކަށް އެ ކުއްޖާގެ ނަމުން ގޮވާ އަޑު އިވެނީ އެވެ.

އެންމެ ފަހުން މައުލާނާ ފަޟްލުއްރަޙްމާން ސާޙިބު އެ ކުއްޖާއަށް ރުޤްޔާ ކުރަންފެށި އެވެ. އެތަނުގައި ހުރި ޖިންނިއަކީ ޙާފިޡު ޖިންނިއެކެވެ. ޝައިޚް އާޔަތެއް ކިޔަވައިފިނަމަ، އޭގެ އަސަރު ކަނޑުވާލުމަށްޓަކައި އެ ޖިންނި އެހެން އާޔަތެއް ކިޔަވަ އެވެ.

ޝައިޚް ވިދާޅުވީ އެ ކުއްޖާގެ ގައިގެތެރޭގައި ހުރީ ޙާފިޡު ޖިންނިއެއް ކަމަށާއި، އޭނާ ރަނގަޅުވާނީ އެއްމަސް ދުވަހަށް އޭނާގެ ރަށަށް ފޮނުވާލުމުން ކަމަށެވެ.

ސަބަބަކީ އެ އިމާރާތުގައި އުޅޭ ޖިންނީންގެ ޢާއިލާ އެތަނުން ފައިބާނީ އެއްމަސް ފަހުން ކަމަށް ވާތީ އެވެ.

އެ ކުއްޖާ ރަށަށް ގެންދިޔަ މަގުމަތީގައި، ކާރު 70 މޭލު ބާރުމިނުގައި ދުއްވާފައި ދަނިކޮށް، އޭނާ ކާރުގެ ދޮރު ހުޅުވަން މަސައްކަތް ކުރިއެވެ.

ނަމަވެސް އުސްތާޒު އޭނާ ހުއްޓުވިއެވެ. އެއްމަސް ފަހުން އެ ކުއްޖާ އެނބުރި އައިއިރު، އޭނާއަކީ ކުރިންވެސް ހުރި މަޑުމައިތިރި ކުއްޖާ އެވެ.

އޭނާއަށް ޢަރަބި ބަހެއްވެސް އަދި އިނގިރޭސި ބަހެއްވެސް ނޭނގެ އެވެ. އަދި ހަނދާން ހުރީ ކުރިން އޭނާއަށް ޤުރުއާނުން އެނގޭ ފުރަތަމަ ފޮތް އެކަންޏެވެ.