ފްލައިމީ އިން ކާޑެއްދޫއަށް ޚާއްޞަ ދަތުރުތަކެއް ފަށައިފި

ވިލާ އެއަރގެ ފްލައިމީ އިން މާލެ އާއި ގދ. ކާޑެއްދޫ އާދެމެދު ޚާއްޞަ ދަތުރުތަކެއް މިއަދު ފަށައިފިއެވެ.

މިއަދުން ފެށިގެން އަންނަ ޖެނުއަރީ މަހުގެ 31 ވަނަ ދުވަހުގެ ނިޔަލަށް ކުރުމަށް ހަމަޖެހިފައިވާ މި ޚާއްޞަ ދަތުރުތަކަށް މާލެއިން ފުރާނީ ކޮންމެ ދުވަހެއްގެވެސް ހެނދުނު 08:00ގައެވެ. ކާޑެއްދޫއިން މާލެ އައުމަށް ފުރާނީ ހެނދުނު 09:40ގައެވެ.

އިޝްތިހާރު

މި ފްލައިޓުތަކުގެ ޓިކެޓުގެ އަގަކީ =/888 ރުފިޔާއަށް ލިބޭ އިރު، ގދ. މަޑަވެލި، ހޯޑެއްދޫ އަދި ތިނަދޫއަށްދާ ފަރާތްތަކަށް ފެރީ ޓިކެޓާއެކު ޚާއްޞަ ފެއާރއެއް ވަނީ ތަޢާރަފްކޮށްފައެވެ. އެގޮތުން އެ ފެއާރގެ އަގަކީ =/1010 ރުފިޔާއެވެ.

ފްލައިމީގައި ދަތުރުކުރަން ބޭނުންވާ ފަސިންޖަރުންނަށް ފްލައިމީގެ ވެބްސައިޓް މެދު ވެރިކޮށް އޮންލައިންކޮށް ޓިކެޓު ނެގުމުގެ އިންތިޒާމުވެސް ވަނީ ތަޢާރަފް ކޮށްފައެވެ. އަދި ފެރީ ޓިކެޓާއެކު ފްލައިޓް ޓިކެޓް ނަގަން ބޭނުންވާ ފަރާތްތަކުން ފްލައިމީ ކޯލް ސެންޓަރ 3013000 ނުވަތަ ފްލައިމީ އޮތޮރައިޒްޑް ލޯކަލް ޓިކެޓިންގ އެޖެންޓުންނަށް ގުޅުމުން ހަމަޖެހޭނެއެވެ.

ވިލާ ގްރޫޕުގެ ސަބްސިޑަރީ، ވިލާ އެއާއިން އޮޕަރޭޓުކުރާ ފްލައިމީގެ އޮޕަރޭޝަންތަކަށް މިއަހަރުގެ އޮކްޓޯބަތ މަހުގެ 1 ވަނަ ދުވަހު 5 އަހަރު ފުރިފައިވާ އިރު، 68 ޕަސިންޖަރުންގެ ޖާގައިގެ ATR-72-500 މަރުކާގެ 2 އެއަރ ކްރާފްޓޫން ހަފްތާގެ ކޮންމެ ދުވަހަކުވެސް އދ. މާމިގިއްޔަށާއި ބ. ދަރަވަންދޫއަށް އަންނަނީ ޝެޑިއުލްޑް ދަތުރުތައް ކުރަމުންނެވެ.

ފްލައިމީގެ ބުކިންގ ނުވަތަ އިތުރު މަޢުލޫމާތު ހޯދުމަށް 3013000 ނަމްބަރ ފޯނަށް ނުވަތަ www.flyme.mv ވެބްސައިޓުން ލިބެން ހުންނާނެއެވެ.