ކޮންޓްރޯލް ޑްރަގެއް ވިއްކާ ކަމުގެ މަޢުލޫމާތު ލިބިފައިވާތީ ކަމާބެހޭ އިދާރާތަކަށް ޙިއްސާކޮއްފި
ކޮންޓްރޯލް ޑްރަގެއް ވިއްކާ ކަމުގެ މަޢުލޫމާތު ލިބިފައިވާތީ އެކަން ކަމާބެހޭ އިދާރާތަކަށް ޙިއްސާކޮށްފައިވާ ކަަމަށް ހޯމް ލޭންޑް އެންޑް ސެކިއުރިޓީ މިނިސްޓްރީން ބުނެފި އެެވެ.
އެ މިނިސްޓްރީގެ ސްޓޭޓް މިނިސްޓަރު ލުބްނާ ޒާހިރު އެކްސްގައި ކުރެއްވި ޕޯސްޓެއްގައި ވިދާޅުވީ ކޮންޓްރޯލް ޑްރަގެއް ކަމަށްވާ ބިއުޕްރެނޯފިން ވިއްކަމުންދާ ކަމުގެ މައުލޫމާތު ލިބިފައިވާ ކަމަށެވެ.
އެއީ ޑްރަގް ފަރުވާގައި ތިބޭ މީހުންނަށް ދޭ އެއްޗެއްކަން ފާހަގަ ކުރައްވާ ލުބްނާ ވިދާޅުވީ އޭގެ ޓެބްލެޓްތަކެއް 2000 ރުފިޔާއަށް ވިއްކާފައިވާ ކަަމުގެ މައުލޫމާތު ލިބިފައިވާ ކަމަށެވެ.
ނޭޝަނަލް ޑްރަގް އެޖެންސީ (އެންޑީއޭ) ހިންގެވުމާއި ހަވާލުވެ ހުންނެވި ލުބުނާ ވިދާޅުވި ގޮތުގައި އެކަން ކުރަމުންދާ މީހުންގެ މައުލޫމާތު ލިބިފައިވާތީ އެކަން ކަމާބެހޭ އިދާރާތަކަށް ވަނީ އަންގާފަ އެވެ.
އިޝްތިހާރު
މިލިޔުން ކިޔާލުމުން
