ހ. މެލްބޯން ގޭގައި ރޯވި އަލިފާން ނިއްވާލައިފި
ހ. މެލްބޯން ގޭގެ 2 ވަނަ ފަންގިފިލާގައި ރޯވި އަލިފާން މޯލްޑިވްސް ނެޝަނަލް ޑިފެންސް ފޯސްގެ ފަޔަރ އެންޑް ރެސްކިޔު ސާވިސްއިން ނިއްވާލައިފި އެވެ.
އެޚިދުމަތުން މީޑިއާތަކަށް އާންމުކުރި ޚަބަރުގައި ބުނެފައިވަނީ، އަލިފާން ރޯވެފައިވަނީ ހ. މެލްބޯން ގޭގެ 2 ވަނަ ފަންގިފިލާގައި ހުރި އެޕާޓްމަންޓެއްގެ ބަދިގޭގެ ހުޑެއްގައި ކަމަށާއި، ރޯވި އަލިފާން މިހާރު ނިއްވާލެވިފައިވާ ކަމަށެވެ.
މިހާދިސާގެ މަޢުލޫމާތު އެމްއެންޑީއެފް ފަޔަރ އެންޑް ރެސްކިޔުއަށް ލިބިފައިވަނީ މިއަދު 11:00 ގައި ކަމަށާއި، މަޢުލޫމާތު ލިބުމާއެކު ފަޔަރ އެންޑް ރެސްކިޔު ސާވިސްގެ ފަޔަރފައިޓަރުން އެޓެންޑުވެ، 11:17 ހާއިރު އަލިފާން ނިއްވާލާފައިވާ ކަމަށް ވެސް އެމްއެންޑިއެފްއިން ބުނެފައިވެ އެވެ.
މިހާދިސާގައި އެއްވެސް މީހަކަށް އަނިޔާއެއް ވެފައެއް ނުވެއެވެ. ނަމަވެސް އަލިފާނުގެ ސަބަބުން އެޕާޓްމަންޓަށް ވަނީ ގެއްލުން ވެފަ އެވެ.
މިލިޔުން ކިޔާލުމުން
