ސްޕެޝަލިސްޓް ތިން ޑޮކްޓަރަކު ސްޕަރ ސްޕެޝަލައިޒް ވުމަށް ސްކޮލަރޝިޕް ދީފި

ތިން ސްޕަޝަލިސްޓުންނަން ސުޕަރ ސުޕަޝަލައިޒް ވުމަށް ސްކޮލަޝިޕް ދީފިއެވެ.

އައިޖީއެމްއެޗް ގައި މަސައްކަތް ކުރާ މިތިން ޑޮކްޓަރުންނަށް ސްކޮލަރޝިޕް ލިބުނުކަމުގެ ލިޔުން ޙަވާލުކޮށްދެއްވީ އެކަމަށްޓަކައި ބޭއްވި ޚާއްޞަ ރަސްމިއްޔާތެއްގައި ހެލްތް މިނިސްޓަރ ޢަބްދުﷲ ނާޒިމް އިބްރާހިމް އެވެ.

އިޝްތިހާރު

މި ރަސްމިއްޔާތުގައި ވާހަކަ ދައްކަވަމުން ހެލްތު މިނިސްޓަރ ޢަބްދުﷲ ނާޒިމް ވިދާޅުވީ  އެއީ ނޭޕާލްގެ ނޭޝަނަލް އެކަޑަމީން އޮފް މެޑިކަލް ސައިންސާއި މިނިސްޓްރީ އޮފް ހެލްތާއި އެކު ހަދާފައިވާ ފަހުމުނާމާއެއްގެ ދަށުން އެ މިނިސްޓްރީއަށް މިއަހަރު ލިބުނު ތިން ފުރުޞަތު ކަމަށެވެ.

މި ސްކޮލަޝިޕަށް ހުރިހާ ޚަރަދެއް ދިވެހި ސަރުކާރުން ކުރާ އިރު، މިއިން ކޮންމެ ޑޮކްޓަރެއްގެ ކިޔެވުމަށް ގާތްގަނޑަކަށް 53،000 ޔޫއެސްޑޮލަރު ހޭދަވާނެ ކަމަށާއި 3 ޑޮކްޓަރުންގެ ތަމްރީނަށް 160،000 ޔޫއެސްޑޮލަރު ޚަރަދުވާނެ ކަމަށްވެސް މިނިސްޓަރ ވިދާޅުވިއެވެ.

މީގެ އިތުރުން މިނިސްޓަރ ވިދާޅުވީ ނޭޕާލްގެ ނޭޝަނަލް އެކަޑަމީން އޮފް މެޑިކަލް ސައިންސާއި އެކު ހަދާފައިވާ ފަހުމުނާމާގެ ދަށުން ތަފާތު ރޮނގުތަކުން މެޑިކަލް ސްޕަރޝަލައިޒޭޝަން ހެދުމަށް 20 މީހުން ތަމްރީން ހޯއްދަވަމުންދާ ކަމަށާއި އެމްބީބީއެސް ހެދުމަށް 17 މީހަކު ތަމްރީން ހޯދަމުން އަންނަ ކަމަށެވެ.

ސްކޮލަޝިޕަށް ހޮވުނު ތިން ޑޮކްޓަރުން ތަމްރީންތައް ހެދުމަށްފަހު، އެނބުރި ރާއްޖެ އައިސް ދިވެހި ރައްޔިތުންނަން ޚިދުމަތް ކޮށްދެއްވުމަށްވެސް ހެލްތު މިނިސްޓަރ ވަނީ އެދިވަޑައިގެންފައެވެ.