ފަހުވަގުތު ކާމިޔާބުކުރި ގޯލުން ޕީއެސްޖީ ދެވަނަ ބުރަށް

ފަހުވަގުތު ބާސެލްގެ މައްޗަށް ކުރި ހޯދައި، ޗެމްޕިއަންސް ލީގުގެ ދެވަނަ ބުރަށް ޕީއެސްޖީ ދަތުރުކޮށްފިއެވެ.

ރޭގެ މެޗުން ޕީއެސްޖީ މޮޅުވެފައިވަނީ 1-2 ގެ ނަތީޖާއިންނެވެ.

އިޝްތިހާރު Below Header ad

ބާސެލްގެ އަމިއްލަ ދަނޑުގައި ރޭ ކުޅުނު މި މެޗުގައި ޕީއެސްޖީގެ ފަރާތުން ރަނގަޅު ކުޅުމެއް ފެނިގެންދިޔައިރު ފުރަތަމަ ހާފް ނިމެން ދަނިކޮށް މެޗުގެ 43 ވަނަ މިނެޓުގައި މަޓުއިޑީ ވަނީ ލަނޑުޖަހާ ޕީއެސްޖީއަށް މެޗުގެ ލީޑުނަގާދީފައެވެ.

ޕީއެސްޖީ ލީޑުގައި އޮވެ ފުރަތަމަ ހާފް ނިމުނުއިރު ދެވަނަ ހާފްގައި ވެސް ގޯލްޖަހާނެ ރަނގަޅު ފުރުސަތުތަކެއް ޕީއެސްޖީއަށް ވަނީ ލިބިގެން ގޮސްފައިވެއެވެ.

އެހެން ނަމަވެސް މި ފުރުސަތުގެ ބޭނުން އެޓީމަށް ވަނީ ހިފޭގޮތް ނުވެފައެވެ. ބާސެލްއިން އެޓީމުގެ ފުރަތަމަ ލަނޑުޖަހާ މެޗުގެ ނަތީޖާ އެއްވަރުކޮށްފައިވަނީ މެޗުގެ 76 ވަނަ މިނެޓްގައި ލޫކާ ޒުފީ ކާމިޔާބުކުރި ހިއްގައިމު ލަނޑުންނެވެ.

ދެ ޓީމުވެސް އެއްވަރެއްގައި އޮވެ މެޗު ނިމެން ދަނިކޮށް މެޗުގެ އެންމެ ފަހު މިނެޓްގައި ތޯމަސް މެއުނިއޭ ވަނީ ލަނޑެއްޖަހާ ޕީއެސްޖީ މޮޅުކޮށްދީފައެވެ.

ރޭގެ މި މޮޅާއެކީ ޕީއެސްޖީ އޮތީ ގްރޫޕް އޭގެ ދެވަނައިގައި 10 ޕޮއިންޓާއެކީގައެވެ. ގްރޫޕް އެއްވަނައިގައި އޮތް އާސެނަލްއަށް ވެސް 10 ޕޮއިންޓް ލިބިފައިވާއިރު އާސެނަލްއަށް ކުރި ލިބެނީ ގޯލުގެ ތަފާތުންނެވެ. ގްރޫޕްގެ ތިންވަނައިގައި އޮތް ބާސެލް އަދި ފުލުގައި އޮތް ލުޑޮގްރެޓްސްއަށް ލިބެނީ އެއް ޕޮއިންޓެވެ.

ބާކީ އަދި އެއްމެޗު އޮއްވާ މުބާރާތުގެ ދެވަނަ ބުރައް ދަތުރުކުރި އިރު ގްރޫޕް ސްޓޭޖުގައި ޕީއެސްޖީ ދެން ބައްދަލުކުރާނީ ގްރޫޕްގެ އެއްވަނައިގައި މިވަގުތު އޮތް އާސެނަލްއާއެވެ. މި މެޗު ކުޅޭނީ އާސެނަލްގެ ދަނޑުގައި މި މަހުގެ 23 ވަނަ ދުވަހުގެރެއެވެ.

މިލިޔުން ކިޔާލުމުން

ވައިބަރ ޗެނަލަށް ވަންނަވާ
އިޝްތިހާރު

ޚިޔާލު ފާޅުކުރައްވާ


ގުޅުން ހުރި ލިޔުންތައް

Below Comments Ad
Back to top button
Close

Ad blocker Detected ! ފޮޓޯ ބްލޮކް ކުރާއެއް ފެނިއްޖެ

ތިޔަ ޑިވައިސްގައި ފޮޓޯ ބްލޮކް ކުރާ ސޮފްޓްވެއަރ/އެޕް އެއް އަޅާފައި އެބަހުއްޓެވެ. އެހެންކަމުން މިވެބްސައިޓްގައިވާ ފޮޓޯތައް ނުފެނުން އެކަށީގެންވެއެވެ. ފޮޓޯތައް ފެންނަ ގޮތަށް ވަނުމަށްޓަކައި ފޮޓޯ ބްލޮކް ކުރާ (އެޑް ބްލޮކަރ) އޮފކޮށްލައްވާށެވެ.