މާލޭގައި ސެލޫން ހިންގާ ފަރާތްތަކާ ރައީސް ސޯލިހު ބައްދަލު ކުރައްވައިފި
މާލޭގައި ސެލޫން ހިންގާ ފަރާތްތަކާ ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ބައްދަލު ކުރައްވައިފި އެވެ.
އޮންލައިންކޮށް ބޭއްވެވި މި ބައްދަލުވުމުގައި ކޮވިޑުގެ ބަލިމަޑުކަމުގެ މިހާލަތުގައި، އަޅާފައިވާ ފިޔަވަޅުތަކުގެ ސަބަބުން ސެލޫންތައް ހިންގުމަށް ދިމާވެފައިވާ ދަތިތައް ސެލޫންތައް ހިންގާ ފަރާތްތަކުން ވަނީ ރައީސް އާ ހިއްސާ ކުރައްވާފަ އެވެ.
ރައީސް އޮފީހުގެ ތަރުޖަމާނު މުހައްމަދު މަބްރޫކު އަޒީޒު ވިދާޅުވީ ކޮވިޑް19 ފެތުރުން ކޮންޓްރޯލު ކުރުމަށް އަޅާފައިވާ ފިޔަވަޅުތަކަށް ލުއި ދޭއިރު، ސެލޫންތަކަށް ދިމާވެފައިވާ ދަތިތަކާއި މައްސަލަތަކަށް ރިއާޔަތްކޮށް އެކަންތައްތަކަށް ވިސްނައިގެން ލުއިދިނުމުގެ ކަންތައް ކުރިއަށް ގެންދަވާނެ ކަމަށް، ސެލޫންތަކުގެ ވެރިންނަށް ރައީސް ޔަގީންކަން ދެއްވި ކަމަށެވެ.
The President met with salon owners to explore how to address the issues that the industry is dealing with as a result of the Covid19 pandemic.
He assured them that the suggestions they made would be considered in the 'ease-plan' that is being developed. pic.twitter.com/TV8oxVJE8e
— Miuvaan Mohamed (@MvSpokesperson) June 15, 2021
ފަހަަކަށް އައިސް ރާއްޖޭގައި ކޮވިޑު ކޭސްތައް އިތުރުވާން ފެށުމުން ރައްކާތެރިވުމަށް އަޅާފައިވާ ފިޔަވަޅުތަކުގެ ދަށުން މާލެ ސަރަހައްދުގައި ހިންގާ ބޯކޮށާ ތަންތަނާއި ސެލޫންތައް ބަންދުކުރަން އެޗްޕީއޭ އިން އެންގީ މެއި މަހުގެ ހަ ވަނަ ދުވަހު އެވެ.
ރައްކާތެރިވުމަށް އަޅާފައިވާ ފިޔަވަޅުތަކަށް ލުއި ދިނުމަށް މަޝްވަރާ ކުރަމުން އަންނަކަަމަށް ސަރުކާރުން ވަނީ ކުރިން ބުނެފަ އެވެ. އަދި ދެވެން އޮތް ލުއިތައް ބަލައި، އެކަން ކުރައްވާނެ ކަމަށް ވެސް ބުނެފައި ވެއެވެ.
މިހާރު އަޅާފައިވާ ފިޔަވަޅުތަކުގެ ތެރޭގައި ހެނދުނު އަށަކުން ހަވީރު ހަތަރަކަށް ބޭރަށް ނިކުންނަ އިރު ޚާއްސަ ހުއްދަ އެއް ބޭނުންވުމާއި، ހަވީރު ހަތަރަކުން ހެނދުނު އަށަކަށް ކާފިއު ހިންގުން ހިމެނެ އެވެ.
މިލިޔުން ކިޔާލުމުން
