ބީއެމްއެލް ގެ ކާޑު ސިސްޓަމް އަޕްގްރޭޑް ކުރުން އަންނަމަހު އޮންނާނެ
ބޭންކް އޮފް މޯލްޑިވްސް (ބީއެމްއެލް) ގެ ކާޑު ސިސްޓަމް އަޕްގްރޭޑްކުރުން އަންނަ ޖޫން މަހު އޮންނާނެ ކަަމަށް އެ ބޭންކުން ބުނެފި އެވެ.
ބީއެެމްްއެލް އިން ބުނީ އެ މަސައްކަތް ކުރިއަށް ދާނީ އަންނަ ޖޫން މަހުގެ 3 ވާ ބްރާސްފަތި ދުވަހު ހެނދުނު 10:00 އިން ފެށިގެން 4 ވާ ހުކުރު ދުވަހުގެ ހެނދުނު 09:00 އަށް ކަމަށެވެ.
އެ ބޭންކުން ބުނީ އެ ކާޑު ސިސްޓަމް އަޕްގްރޭޑް ކުރަނީ ކަސްޓަމަރުންނަށް ދެމުންދާ ބޭންކިންގ ޚިދުމަތުގެ ފެންވަރު ރަނގަޅުކުރުމަށް ކުރަމުންދާ މަސައްކަތުގެ ދަށުން ކުރިއަށް އޮތް ތަނުގައި ޚިދުމަތަށް ގެންނަން ބޭނުންވާ މުހިންމު ބަދަލުތައް ގެނައުމުގެ ބޭނުމުގައި ކަމަށެވެ. އަދި މިއީ މި ސިނާއަތުގައި ކަނޑައެޅިފައިވާ މިންގަޑުތަކާ އެއްގޮތަށް ހަރުދަނާ ކަމާއެކު ޚިދުމަތް ދިނުމުގެ ގޮތުން ބޭންކުން ކުރުމަށް ނިންމާފައިވާ މުހިންމު މަސައްކަތެއް ކަމަށް ވެސް އެ ބޭންކުން ބުނެއެވެ.
މީގެއިތުރުން މި މަސައްކަތް ކުރަމުންދާ ވަގުތުގައި ރާއްޖެއާއި ރާއްޖޭން ބޭރުގައި ލިބޭ ކާޑުގެ ޚިދުމަތްތައް ހިމެނޭހެން އޭޓީއެމް، ޕީއޯއެސް، އެމްޕޮސް، މާޗަންޓް ޕޯޓަލް، ޕޭމަންޓް ގޭޓްވޭ އަދި މޮބައިލް ޕޭގެ ޚިދުމަތް ވަގުތީ ގޮތުން މެދުކެނޑޭނެ ކަމަށް ވެސް ބީއެމްއެލް އިން ބުނެ އެވެ.
އަޕްގްރޭޑްގެ މަސައްކަތް ނިމުމުން ކުރިއެކޭ އެއްގޮތަށް ޚިދުމަތްތައް ލިބޭނެ ކަމަށް ވެސް ބުންޏެވެ.
އެހެންނަމަވެސް އިންޓަރނެޓް ބޭންކިންގ އަދި މޮބައިލް ބޭންކިންގ ގެ ޚިދުމަތް ލިބޭނެ ކަމަށް ބީއެމްއެލް އިން ބުނެއެވެ.
ރާއްޖޭގައި އެންމެ ފުޅާ ދާއިރާއެއްގައި ކާޑުގެ ޚިދުމަތްތައް ދެމުން ބީއެމްއެލް އިން އަންނަނީ 2004 ވަނަ އަހަރުން ފެށިގެން އިންޓަރނޭޝަނަލް ކާޑުތަކުގެ ޚިދުމަތް ވެސް ދެމުން ނެވެ.
މިލިޔުން ކިޔާލުމުން
