ފަތުރުވެރިންނަށް ޓޫރިސްޓް ވިސާ ދިނުމާއި ގުޅޭ ކަންކަން ރިވިއު ކުރަނީ
މިމަހުގެ ފަހުކޮޅު ދެކުނު އޭޝިއާގެ ޤައުމުތަކުން ރާއްޖެއަށް އަންނަ ފަތުރުވެރިންނަށް ޓޫރިސްޓް ވިސާ ދިނުމާއި ގުޅޭ ކަންތައްތައް ރިވިއު ކުރާނެ ކަމަށް ޓޫރިޒަމް މިނިސްޓްރީން ބުނެފި އެވެ.
އެ މިނިސްޓްރީން ބުނީ ދެކުނު އޭޝިއާގެ ޤައުމުތަކުން ރާއްޖެއަށް އަންނަ ފަތުރުވެރިންނަށް ޓުއަރިސްޓް ވިސާ ދިނުން މެދުކަނޑާލާފައި އޮތް އޮތުމަށް އަންނަ މަހުގެ ކުރީކޮޅު ލުއި ދެވޭނެކަމަށް ލަފާކުރެވޭކަމަށެވެ.
Before the end of this month #Maldives will review the temporary suspension of tourist visas for those travelling from South Asian countries. We are optmistic of easing the temporary restrictions in early June. https://t.co/hV8vAGGYrk
— Ministry of Tourism (@MoTmv) May 17, 2021
ހާލަތަށް ބަލައި ލުއި ދެވޭނެކަމަށް އުއްމީދު ކުރާކަމަށް ޓޫރިޒަމް މިނިސްޓްރީން ބުނެފައިވާ އިރު، ދެކުނުގެ އޭޝިއާގެ ޤައުމުތަކުގެ ފަތުރުވެރިން ރާއްޖެ އަންނަ ފަތުރުވެރިންނަށް ޓުއަރިސްޓް ވިސާ ދިނުން ވަގުތީ ގޮތުން މެދުކަނޑާލާފައި ވަނީ މިމަހުގެ 13 ވަނަ ދުވަހު އެވެ.
އެގޮތަށް ނިންމީ ހަލުވިކަމާާއިއެކު ކޯވިޑް-19ގެ ބަލިމަޑުކަން ފެތުރެމުންދިޔުމާއި ގުޅިގެން ނެވެ.
ދެކުނު އޭޝިއާގެ ޤައުމުތަކުގެ ތެރެއިން އެންމެ ނުރައްކާތެރި ޙާލަތެއްގައި އިންޑިއާ އޮތް އިރު، ބަންގްލަދޭޝް، ޕާކިސްތާން، ނޭޕާލް، ސްރީލަންކާ އަދި އަފްޣާނިސްތާނުގެ ޙާލަތުވެސް އަންނަނީ ގޯސްވަމުން ނެވެ.
ތަފާސް ހިސާބުތަކުން ދައްކާ ގޮތުގައި މިދިޔަ އޭޕްރީލްމަހުގެ ނިޔަލަށް ރާއްޖެއަށް އެންމެ ގިނަ އަދަދަކަށް ފަތުރުވެރިން އައިސްފައިވަނީ އިންޑިއާއިން ނެވެ. ނަމަވެސް އެޤައުމުން ރާއްޖެއަށް އަންނަ ފަތުރުވެރިންގެ އަދަދު ހުއްޓުމަކަށް އައުމުން ރާއްޖެއަށް ފަތުރުވެރިން އަންނަ ޖުމްލަ އަދަދަށް ވަނީ އަސަރުކޮށްފައެވެ.
އިންޑިއާ ފަތުރުވެރިން ރާއްޖެ އައި އިރު، އެވްރެޖްކޮށް ކޮންމެ ދުވަހަކު 3000 އެއްހާ ފަތުރުވެރިން އަންނަމުން ދިޔައެެވެ. އެކަމަކު މިހާރު އެވްރެޖްކޮށް ކޮންމެ ދުވަހަކު ރާއްޖެއަށް އަންނަނީ 2000 އެއްހާ ފަތުރުވެރިން ނެވެ.
މިލިޔުން ކިޔާލުމުން
