ސަރުކާރުގެ 100 އިންސައްތަ ހިއްސާއާއެކު ރޯޑް ޑިވެލޮޕްމަންޓް ކޯޕަރޭޝަން އުފައްދައިފި
ސަރުކާރުގެ 100 އިންސައްތަ ހިއްސާއާއެކު ރޯޑް ޑިވެލޮޕްމަންޓް ކޯޕަރޭޝަންގެ ނަމުގައި ރައީސުލްޖުމްހޫރިއްޔާ އިބްރާހިމް މުޙައްމަދު ސާލިޙް، ސަރުކާރުގެ ކުންފުންޏެއް އުފައްދަވައިފިއެވެ.
ރޯޑް ޑިވެލޮޕްމަންޓް ކޯޕަރޭޝަން ލިމިޓެޑުގެ ނަމުގައި މި ކުންފުނި އުފެއްދެވުމަށް ރައީސް ނެރުއްވި ޤަރާރުގައި ވަނީ ރަށްރަށުގެ މަގުތައް ރަނގަޅު ފެންވަރަށް ހަދައި، އެ ތަންތަން ބެލެހެއްޓޭނެ ހަރުދަނާ ނިޒާމެއް އޮތުމަކީ މުހިންމު ކަމެއް ކަމަކަށެވެ.
”އެހެންވެ، އެކަމަށް ޚާއްޞަ ކުންފުންޏެއް އޮތުން މުހިންމު ކަމަކަށްވާތީ ރޯޑް ޑިވެލޮޕްމަންޓް ކޯޕަރޭޝަންގެ ނަމުގައި ކުންފުންޏެއް އުފެއްދެވީ“ ކަމަށް އެ ޤަރާރުގައި ބުނެފައިވެއެވެ.
50 މިލިއަން ރުފިޔާގެ ރައުސުލްމާލަކާއެކު އުފެއްދެވި މި ކުންފުނިން ސަރުކާރުން ކަނޑައަޅާ ގޮތެއްގެ މަތިން އެއްރަށާއި އަނެއް ރަށް ގުޅުވާލުމަށް ހަދާ ބްރިޖްތައް ތަރައްޤީކޮށް، އެ ތަންތަން ބެލެހެއްޓުންވެސް ހިމެނޭ ކަމަށް ޤަރާރުގައިވެއެވެ.
މިލިޔުން ކިޔާލުމުން
