ދޮންފަނު ކައުންސިލުން އެރަށުގެ ރައްޔިތުންނަށް 100 ކޭސް މިނެރަލް ވޯޓަރ ބަހަނީ..
މާލޮސްމަޑުލު ދެކުނުބުރީ (ބ. އަތޮޅު) ދޮންފަނު ކައުންސިލުން އެރަށުގެ ރައްޔިތުންނަށް 100 ކޭސް މިނެރަލް ވޯޓަރ ބަހަން ނިންމާ، އެ މަސައްކަތް ފަށައިފިއެވެ.
އެރަށު ކައުންސިލުން ބުނީ މިއީ އެރަށު ރައްޔިތުންގެ ތާނގީތަކުން ބޯފެން ހުސްވެ ފެނަށްޖެހުމާ ގުޅިގެން ކުރާ ކަމެއް ކަމަށާއި ކޮންމެ ރައްޔިތަކަށް 5 ލިޓަރު ފެނުގެ މަގުން ފެން ބަހާނެ ކަމަށެވެ.
އެރަށުގައި މިވަގުތު ދިރިއުޅޭ ކޮންމެ ރައްޔިތަކަށް 5 ލިޓަރު ފެންފުޅިއެއް ދޫކުރާނެ ކަމަށާއި މިހާރުވެސް ވަރަށްގިނަ ބަޔަކު ފެން ގެންގޮސްފި ކަމަށެވެ.
ގާތްގަނޑަކަށް ހަތަރުސަތޭކައަށްވުރެ ގިނަ މީހުން ދިރިއުޅޭ ދޮންފަނު ކައުންސިލުން ބުނީ މިއީ ކައުންސިލް ބަޖެޓުގެ ތެރެއިން ޚަރަދުކޮށްގެން ގަތް ފެންކަމަށެވެ.
މީގެއިތުރުން 22000 ލިޓަރު ޕްލާންޓްފެންވެސް އެރަށަށް މިހާރު ގެނަސްފައިވާ ކަމަށާއި ޕްލާންޓްފެންވެސް ވަރަށް އަވަހަށް ދޫކުރަން ފަށާނެކަމަށްވެސް ކައުންސިލުން ބުންޏެވެ.
މިލިޔުން ކިޔާލުމުން
