މިއަހަރުގެ އޭޕްރީލްމަހު ރާއްޖެ އެތެރެކުރި މުދަލުގެ ނިސްބަތް 9 އިންސައްތަ އިތުރުވެއްޖެ
މިއަހަރުގެ އޭޕްރީލްމަހު ރާއްޖެ އެތެރެކުރި މުދަލުގެ ނިސްބަތް 9 އިންސައްތަ އިތުރުވެއްޖެކަމަށް މޯލްޑިވްސް ކަސްޓަމްސް ސަރވިސް އިން ބުނެފިއެވެ.
ކަސްޓަމްސްގެ ތަފާސް ހިސާބުތަކުން ދައްކާގޮތުގައި މިދިޔަ މަހު 4.1 ބިލިއަން ރުފިޔާގެ މުދާ ރާއްޖެ އިތުރުކޮށްފައިވާކަމަށެވެ. އަދި ރާއްޖެއިން ބޭރަށް އެކްސްޕޯޓު ކުރި މުދަލަށް ބަލާއިރު މިއަހަރުގެ އޭޕްރީލްމަހު 324 މިލިއަން ރުފިޔާގެ މުދާ ވަނީ އެކްސްޕޯޓުކޮށްފައެވެ.
މިދިޔަ އަހަރުގެ އެ މުއްދަތުގައި ރާއްޖެއިން ބޭރަށް 377 މިލިއަން ރުފިޔާގެ މުދާ އެކްސްޕޯޓުކޮށްފައިވާ އިރު، އިމްޕޯޓު އެކްސްޕޯޓުން 300 މިލިއަން ރުފިޔާގެ އާމްދަނީ ވަނީ ލިބިފައެވެ.
ކަސްޓަމްސްގެ ތަފާސް ހިސާބުން ދައްކާގޮތުގައި އެންމެ ގިނައިން މުދާ ރާއްޖެއަށް އެތެރެކޯށްފައިވަނީ ޔޫއޭއީ، ޗައިނާ އަދި ސިންގަޕޫރުންނެވެ.
ރާއްޖެއިން އެންމެ ގިނައިން މުދާ އެކްސްޕޯޓުކުރީ ތައިލެންޑު، އެމެރިކާ އަދި ޖަރުމަނަށެވެ.
މިލިޔުން ކިޔާލުމުން
