މިދިޔަ ކުއާޓަރގައި އުރީދޫގެ ސާފު ފައިދާ 163 މިލިއަން ރުފިޔާއަށް
މިދިޔަ ކުއާޓަރގައި އުރީދޫއަށް ސާފު ފައިދާގެ ގޮތުގައި 163 މިލިއަން ރުފިޔާ ލިބިފައިވާކަމަށް އެ ކުންފުނިން ބުނެފިއެވެ.
އެ ކުންފުނީގެ ވެބްސައިޓްގައިވާ މިއަހަރުގެ ފުރަތަމަ ކުއާޓަރ ރިޕޯޓުގައިވާގޮތުން ލިބުނު ސާފު ފައިދާ 10 އިންސައްތަ ވަނީ އިތުރުވެފައެވެ.
އުރީދޫގެ ރިޕޯޓުގައިވާގޮތުން ފައިދާ އިތުރުވި މައިގަނޑު ސަބަބަކީ އެ ކުންފުނިން ގޭގެއަށް ދޭ އިންޓަރނެޓް ބްރޮޑްބޭންޑުގެ ޚިދުމަތް ”ސުޕަރނެޓް“ ވިޔަފާރި ރަނގަޅުވުމާއި ރޯމިންގގެ ޚިދުމަތުން ލިބުނު އާމްދަނީ އިތުރުވުމެވެ.
”ސުޕަރނެޓް“ ޚިދުމަތާއި ރޯމިންގ ޚިދުމަތުން ލިބުނު އާމްދަނީ 2 އިންސައްތަ އިތުރުވެފައިވާ އިރު، އުރީދޫގެ އާމްދަނީވެސް މިދިޔަ އަހަރުގެ ފުރަތަމަ ކުއާޓަރ އާއި އަޅާބަލާއިރު، 5.4 އިންސައްތަ ވަނީ ކުރިއަރާފައެވެ.
މިދިޔަ ކުއާޓަރގައި 507 މިލިއަން ރުފިޔާ ލިބުނު އިރު، އުރީދޫގެ 2018 ވަނަ އަހަރުގެ އަހަރީ ޢާންމު ޖަލްސާ ބާއްވާފައިވަނީ މިދިޔަ މާރޗު މަހުގެ ތެރޭގައެވެ.
އެ ޖަލްސާގައި މިދިޔަ އަހަރު އެ ކުންފުންޏަށް ލިބުނު ފައިދާގެ ތެރެއިން ޙިއްޞާދާރަކަށް 3.22 ރުފިޔާ ބެހުމަށް ވަނީ ނިންމާފައެވެ.
މިލިޔުން ކިޔާލުމުން
