އެސްޓީއޯއިން ވިއްކާ ޕެޓްރޯލާއި ޑީސަލްގެ އަގު ހެޔޮކޮށްފި
ސްޓޭޓް ޓްރޭޑިންގ އޯގަނައިޒޭޝަން (އެސްޓީއޯ) އިން ވިއްކާ ޕެޓްރޯލާއި ޑީސަލްގެ އަގު ހެޔޮކޮށްފިއެވެ.
އެކުންފުނިން ބުނީ މިއަދުން ފެށިގެން ޕެޓްރޯލް ލީޓަރަކުން އެއް ރުފިޔާ އަދި ޑީސަލް ލީޓަރަކުން ދެ ރުފިޔާ އަގުހެޔޮވާނެ ކަމަށެވެ.
އިޝްތިހާރު
އެހެންކަމުން މިއަދުން ފެށިގެން ޕެޓްރޯލް ލީޓަރެއް ވިއްކަމުން ގެންދާނީ 10.19 ރުފިޔާ އަށެވެ. އަދި ޑީސަލް ލީޓަރެއް ވިއްކަމުން ގެންދާނީ 9.99 ރުފިޔާ އަށެވެ.
ރާއްޖޭގައި ވިއްކާ ޕެޓްރޯލާއި ޑީސަލްގެ އަގު ފައިބެއަހަރުގެ ނޮވެމްބަރ 13 ގައި ހެޔޮ ކުރުމަށްފަހު، މިއީ މި އަހަރުގެ ތެރޭގައި ޕެޓްރޯލާއި ޑީސަލްގެ އަގުހެޔޮ ކުރި ފުރަތަމަ ފަހަރެވެ. އަދި ފަހަކަށް އައިސް ތެލުގެ އަގުމިހާ ބޮޑަށް ހެޔޮ ކުރި ފުރަތަމަ ފަހަރުވެސް މެއެވެ.
އެސްޓީއޯ އިން ބުނީ ތެލުގެ އަގު ހެޔޮކުރީ ދުނިޔޭގެ ބާޒާރުގައި ތެލަށް އައި ހެޔޮ ބަދަލާއި ގުޅިގެންނެވެ.
މިލިޔުން ކިޔާލުމުން
