ހުސްނުވާ އާސަންދަ ޕޯޓަލްއަށް ދިމާވި މައްސަލަ ހައްލުކޮށްފި

ރާއްޖޭގެ ހުސްނުވާ އާސަންދަ ޕޯޓަލްއަށް ދިމާވި މައްސަލަ ހައްލުކޮށްފައިވާކަމަށް އާސަންދަ ކޮމްޕެނީ ލިމިޓެޑުން ބުނެފިއެވެ.

އެ ކުންފުނީގެ މީޑިއާ އޮފިސަރ ވިދާޅުވީ ހުސްނުވާ އާސަންދައިގެ ޚިދުމަތަށް ދިމާވި ޓެކްނިކަލް މައްސަލައިގެ ސަބަބުން މެދުވެރިވި ދަތިތަކަށްޓަކާ ޢާންމުންގެ ކިބައިން މަޢާފަށް އެދޭ ކަމަށެވެ. އަދި ކުރިއަށް އިތް ތަނުގައި މިފަދަ މައްސަލަތައް ދިމާވިޔަ ނުދިނުމަށް ކުރެވެންހުރި ހުރިހާ މަސައްކަތެއް ކުރާނެކަމުގެ ޔަޤީންކަން އަރުވާ ކަމަށެވެ.

އިޝްތިހާރު

މީގެ އިތުރުން ޓެކްނިކަލް މައްސަލައެއް ދިމާވެއްޖެނަމަ، ޚިދުމަތްދެވޭނެ އުސޫލެއް ކަނޑައަޅާ، ޚިދުމަތްފޯރުކޮށްދޭ ފަރާތްތަކަށް އަވަސް ފުރުޞަތެއްގައި މަޢުލޫމާތުދެވޭނެ ކަމަށްވެސް މީޑިއާ އޮފިސަރ ވިދާޅުވިއެވެ.

މަޢުލޫމާތު ލިބިފައިވާ ގޮތުގައި ހުސްނުވާ އާސަންދައިގެ ޕޯޓަލްއަށް ޓެކްނިކަލް މައްސަލަ ދިމާވީ މިއަދު ހެނދުނު 05:00ން ފެށިގެން މެންދުރު ގާތްގަޑަކަށް 11:00އާއި ހަމައަށެވެ.

ހުސްނުވާ އާސަންދައިގެ ޕޯޓަލްއަށް ޓެކްނިކަލް މައްސަލަ ދިމާވެފައިވާ ވަގުތުތަކުގައި އަމިއްލައަށް ފައިސާ ދައްކައިގެން ޚިދުމަތް ހޯދި ިފަރާތްތަކަށް އަނބުރާ އެ ފައިސާ ލިބޭނެކަމެއް ނުވަތަ ނޫންކަމެއް އާސަންދަކުންފުނިން ނުބުނެއެވެ.